目前分類:為為食食 (437)

瀏覽方式: 標題列表 簡短摘要
31 October 2013, Thursday

It's Halloween, It's Halloween... ♫ 

「蝦佬喂」之夜, 你準備咗d咩節目呢?!!

Kenmerry就來到由香港旅遊發展局舉辦, 一連四天的「2013 香港美酒佳餚巡禮」開幕典禮... 今年首次於全新場地 ─ 中環新海濱舉行, 大家千萬唔好去錯老地方呀!!! 西邊入口係中環環頭旁, 南邊入口係金鐘門常關(政總)旁...



一如以往, 我地第一時間衝去「Riedel尊尚名酒區」, 可惜今年安排改變了, 7時前只招待某些嘉賓...

咁... 唯有去換贈品先啦...


kenmerry 拉姑 發表在 痞客邦 PIXNET 留言(7) 人氣()

26 October 2013, Sunday

仲有幾日就到「蝦佬喂」, 你準備咗節目未?!!

香港旅遊發展局一連四天的「2013 香港美酒佳餚巡禮」將會於「蝦佬喂」當日開幕, 今年首次於全新場地 ─ 中環新海濱舉行, 大家千萬唔好去錯老地方呀!!!

一如以往, 我會第一時間衝去「Riedel尊尚名酒區」品嚐美酒, 然後再慢嘆佳餚, 梳乎也~

我之前去過3年, 包括2009年, 2011年, 2012年, 現場設施一年比一年搞得好, 最回味2011年, 天氣涼涼地, 第一次飲冰酒, 第一次刨芝士花, 第一次坐定定睇開幕典禮, 有Vivienne Tam設計的巨大化酒樽, 更有網上流動媒體即晚要求轉載我影的相片, 回想起也覺得甜絲絲...

當晚即時寫起篇Blog, 3日瀏覽量居然達7000次以上, 對於席席無名的Blogger如我, 是一種很大的鼓勵... (2012年Y!Blog Server搬到美國後, Search功能癈到震, 瀏覽風光不再, 不過就上咗Y! Blog人氣精選「生活點滴」)



kenmerry 拉姑 發表在 痞客邦 PIXNET 留言(3) 人氣()

*** 受到8月30日Yahoo Blog關閉通告的噩耗所影響, 剩下的Blog要高速寫完, 然後趕緊搬家 ***

~ 目前還未找到容身之所, 安頓好後會作出公告 ~


28 August 2013, Wednesday

曾與朋友戲言, 香港人可以1個月唔食西餐, 可以3個月唔食泰國菜, 卻不可以1星期唔食日本菜... 日本菜對香港人真係好重要!!! 壽司更是當中的表表者, 壽司米上鋪上各式各樣的海鮮, 總是那麼吸引人, 讓人看得雙眼也發光...

屹立於天后清風街的悅鮨, 門外掛了一排大紅紙燈籠, 離遠也能清楚看到, 相當易找... 撥開日式暖簾進入店內, 佑大的壽司吧盡現眼前... 在店員的引領之下, 進入了店內盡頭的Private Room, 可容納10-12人左右, 房內更設有獨立洗手間, 私隱度高, 很適合名人明星來吃哦... 


去年3月才第一次出席UFood的品味飯局, 正確一點來說, 是第一次出席品味飯局, 事隔18個月, 感覺竟然像隔了數年, 這陣子實在花了太多時間在食評上... 新人事新作風, 是次飯局由食友一手安排, 席間盡是皇冠鑽石級食家, 小薯如我有幸獲邀, 深感榮幸... 餐單因應情況稍微改動了...


喜歡日本菜的其中一個原因, 是日本人對餐具非常講究, 總是美輪美奐, 令人目不暇給, 未點菜已叫人心花怒放, 心情也變得特別好, 食物也變得特別美味... 今日的藍彩花花茶杯, 我真的超喜歡哦...

kenmerry 拉姑 發表在 痞客邦 PIXNET 留言(0) 人氣()

*** 受到8月30日Yahoo Blog關閉通告的噩耗所影響, 剩下的Blog要高速寫完, 然後趕緊搬家 ***

~ 目前還未找到容身之所, 安頓好後會作出公告 ~


28 August 2013, Wednesday

上司請食飯, Book唔到酒店中菜, 去咗呢間, 食到大家都冇晒表情...

其實間餐廳裝修係幾優雅, 可惜午市迫到椅貼椅, 嘈吵過機房, 大家要喊破喉嚨先可以傾幾句計...

午聚二人套餐, 2位用$298 (2位起), 第3位要加$100, 未計茶芥加一...

脆脆BB豬伴沙律菜
-- 得3片, 1人1片, 唔脆兼冇肉, 偏鹹...

kenmerry 拉姑 發表在 痞客邦 PIXNET 留言(0) 人氣()

*** 受到8月30日Yahoo Blog關閉通告的噩耗所影響, 剩下的Blog要高速寫完, 然後趕緊搬家 ***

~ 目前還未找到容身之所, 安頓好後會作出公告 ~


28 August 2013, Wednesday

試食完日本菜, 女生總想吃點甜品, 跟幾位食友到就近的甜品店覓食...

店內是一貫流水式甜品店的四方形木枱木椅, 環境不會令人享受...

牆上貼了好滿各式甜品的大頭貼, 名字全部響噹噹... 天后, 王子, 公主... 來頭好勁咁... 好似好多選擇, 但係... 其實來來去去得幾樣o野, 只係A+B+C, A+B+D, B+C+D, 基本元素不出10款, 就Mix到有幾十款咁...

幾位食友同我點了龍眼王子, 芒果天后, 雪糕紅豆伴豆腐布甸...

食物都未來, 店員就隊張單埋o黎收錢, 唔係呀嘛?!! 我係咪去錯蘭桂芳酒吧呀?!! 我個樣似會飲到爛醉如泥, 唔比錢食霸王餐走人咩?!! 未食已Hard Feeling爆燈...

kenmerry 拉姑 發表在 痞客邦 PIXNET 留言(0) 人氣()

*** 受到8月30日Yahoo Blog關閉通告的噩耗所影響, 剩下的Blog要高速寫完, 然後趕緊搬家 ***

~ 目前還未找到容身之所, 安頓好後會作出公告 ~


23 August 2013, Friday

朋友找的新店, 可以參考的食評不多, 只有12篇... 其中10篇的食家本身只有1-2篇食評, 根據經驗, 多為店家自己開a/c寫的... 帶著戰戰兢兢的心情來到...

店子內坐位不多, 入座時明明聽到男的指示女的帶我去尾2張枱, 女的要我去最尾張枱, 我唔肯, 最尾果張貼住廚房, 好多貨物靠背, 仲要係膠枱櫈, 枱布都冇... 最後在我堅持下, 坐了尾2呢張, 其實都唔係好好, 張枱窄到無可再窄, 叫幾味菜都冇位放... 仲要係出菜通道, 後面枱的外籍男士一坐下, 通道幾乎全封, 最後要鑽媽先坐得落...

情調本是不錯...


(右) Island Shake $36
-- 腸胃不太好, 不想飲乳酪或奶類飲品, 又不想飲冰類, 更不想飲Soft Drink, 7除8扣, 28款飲品只剩3-4個選擇... 芒果+青檸汁+椰奶+蜜糖+薄荷, Yummy!!! 芒果味重, 蜜糖甜, 薄荷清新, I like it~

kenmerry 拉姑 發表在 痞客邦 PIXNET 留言(0) 人氣()

23 August 2013, Friday

別話不說, 來個直接了當吧... (店內超多人, 不便拍照, 都是2排長枱的小店子格局) (坐在大門口, 熱風飄送, 好不難受) (座位狹小, 一袋二袋, 很不好坐)

石榴露(加蘆薈) $25
-- 與餐牌上的相片相差10萬8千里, 心裡難免涼了一截... 入口卻有驚喜, 不是太冰凍, 100%石榴的香甜味, 朋友們都話現在買到的石榴無論放幾耐都係冇味的...


石榴露(加即切芒果) $29
-- 初時以為只係加咗芒果汁係面, 原來係半個原隻芒果, 勁... 


圓肉紅棗燉雪梨 $28
-- 賣相同朋友的想像有點落差, 佢幻想緊挖空原個雪梨放入圓肉紅棗冰糖同燉... 

kenmerry 拉姑 發表在 痞客邦 PIXNET 留言(0) 人氣()

17 August 2013, Saturday

是日獲邀出席Häagen-Dazs「月亮傳奇.多彩中秋」雪糕月餅的試食活動, 口福不淺呢~

Häagen-Dazs™雪糕月餅系列本年度以花卉彩繪為主題, 色彩繽紛的彩繪圖案和立體朱古力花卉設計, 為傳統的中秋添上斑斕的色彩...

Häagen-Dazs™於今年中秋推出全球900盒限量發售的「金醉」雪糕月餅禮盒, 盒內共十五件精緻雪糕月餅, 亮點為首次推出的雙層雪糕月餅--比利時朱古力配咖啡, 另一亮點為內有乾坤的呍呢嗱雪糕月餅, 以芒果雪葩作「蛋黃」, 維妙維肖... 栩栩如生的蝴蝶立體造型的雪糕月餅盡顯心思...

註 : 購買金醉禮盒可於2013年8月19日至9月11日期間預訂免費本地送貨服務一次 (送貨日期為8月28日-9月16日)

「九星映月」雪糕月餅禮盒, 盒內共10件精緻雪糕月餅, 亮點為立體「牡丹」點綴, 香濃的比利時朱古力雪糕配以黑朱古力脆皮, 朱古力迷不可錯過... 小月餅印有不同蝴蝶在花間翩翩起舞的彩繪圖案, 味道包括朱古力、
比利時朱古力、咖啡、仲夏野莓、焦糖脆餅、士多啤梨、呍呢嗱、夏威夷果仁及曲奇呍呢嗱...


「月滿心意」雪糕月餅禮盒色彩繽紛, 盒內共6件精緻雪糕月餅, 朱古力雪糕配黑朱古力脆皮、呍呢嗱雪糕配白朱古力脆皮、仲夏野莓雪糕配牛奶朱古力脆皮、士多啤梨雪糕配粉紅朱古力脆皮, 單看已 令人心花怒放...

kenmerry 拉姑 發表在 痞客邦 PIXNET 留言(0) 人氣()

11 August 2013, Sunday

收到PR的《江南style》試食邀請時, 我大病初癒還帶點咳, 理應惋拒, 病榻時還自我千叮萬囑, 不能再大吃大喝了, 但見到《江南style》, 不知何故就聯想到韓國音樂人PSY熱爆全球的K-Pop神曲, 一下子又衝動起來... 回想起來也覺得很可笑, 我的聯想力真是超乎常理... 今次幫自己解釋的藉口是, 銅鑼灣--難得不用過海嘛... 嘿嘿...

古代的君王都喜歡下江南, 莫非嘴饞, 純粹為了一嚐當地富庶的美食?!!

咳... 咳... 說回正題... 少時不用功, 才疏學淺的我, 寫食評時都會到互聯網做一做資料搜集, 如果上電視的問答遊戲節目, 問我江南是指中國那一個地方, 我真的Die Hard!!! 原來... 江南係指長江以南, 隨著朝代更替, 所指的區域略有出入, 大約指蘇南、浙江、安徽長江以南、江西北部、湖北長江以南和湖南北部地區... 我喜愛的滬菜原來也包含其中... (後來才發現, 餐廳供應的菜式包括京川滬, 江南只是名字, 又擺了大烏龍)

餐廳位於怡和街22號, 這座大廈頗為難找, 我大大話話來過這座大廈不下十數次, 每次也總是行過了頭... 給大家1個小貼士, 如果從怡和街入, 就要找恆生銀行及大班麵包中間的小巷... 如果從渣甸街入, 就要找售賣手機Accessories的小店, 旁邊的玻璃門便是...

餐廳佔了3樓全層, 簡單的裝潢, 溫和的色調, 舒適的椅子, 帶喜慶味道的紅色木屏風, 一切流於自然... 有2張12人大圓枱, 相信坐14人都應該OK, 很適合大夥人...


今天在時間上失了點預算, 遲了數分鐘, 要大家等真有點不好意思, 保證不會再有下次...

kenmerry 拉姑 發表在 痞客邦 PIXNET 留言(0) 人氣()

10 August 2013, Saturday

星期六的下午, 獲邀到來與一眾Bloggers一起試食, 感謝PR的邀請及餐廳的款待...

對於Marco's的認識, 緣於多年來飲食雜誌的全版廣告, 好像沒有間斷過...

第一次到來, 從佐敦地鐵站C2出口行3個街口, 交通頗方便... 另我驚訝的是, 沿途有布行, 街道兩旁更擺滿路邊攤, 好像回來70年代, 很有味道...

3:30PM 準時到達, 步一餐廳第一個感覺, 像去了茶餐廳, 當然是高級很多的啦... 座無虛席, 大家都在高談闊論, 好不熱鬧...

靠牆是卡位, 中間是可無限併枱的四方枱, 我們的長枱就坐了13人... 坐在附近的也有10人枱... 

餐廳的高層推介大家先來1杯特飲消消暑...

香橙檸檬 Smoothie

kenmerry 拉姑 發表在 痞客邦 PIXNET 留言(4) 人氣()

3 August 2013, Saturday

比利時朱古力世界聞名, 有逾40年歷史的知名品牌Glacio雪糕同樣出色, 連巨星麥當娜也是其"粉絲", 利害吧! Glacio在港開設了其全球第一間雪糕專門店,22種不同口味的雪糕由比利時空運直送到港, 讓港人大飽口福!

是日開幕典禮更邀得比利是駐港總領事Evert Maréchal及保良局鄭錦鐘博士剪綵, 非常有面子! Glacio全年1%的營業額更會捐子予保良局, 藉此回饋社會!




Glacio在世界各地嚴選雪糕食材,如印度的阿芳素芒果、波蘭的士多啤梨、歐洲的雜莓、菲律賓的椰子、馬達加斯加的雲呢拿籽、法國的栗子、日本的綠茶及比利是的朱古力,再配合德國及盧森堡的新鮮脫脂牛奶,不含人工激素, 讓味蕾穿梭世界, 帶來非同凡響的味覺享受!

店內除了提供多達22款口味的雪葩 (Sorbet), 特級雪糕 (Ice Cream) 及 雙色雪糕... 還有多款鮮制布魯塞爾窩夫, 特飲, 歐洲特色雪糕, 及最吸引人的特色雪糕甜點... 單看看色相斑斕的雪糕櫃已讓人口水直流...


有機會與一眾Bloggers品嚐到一系列Glacio的精美歐洲特色雪糕, 今日又認識了新的食友, 很幸福呢, 開心其實可以好簡單~

kenmerry 拉姑 發表在 痞客邦 PIXNET 留言(5) 人氣()

13 July 2013, Saturday

今夜作客的地方還是第一次來... 香港大學校友會係私人會所, 要係香港大學的舊生仲要入埋校友會先可以Book位... 朋友係2個月前已經訂咗房, 廣發英雄帖, 聽講廚房係由陸羽的舊廚頂來做的, 在網上的評論不錯, 很期待呢...


房內有大電視, 又有投影機, 朋友帶備了平板電腦接駁大電視, 播放充滿歡樂的照片與在場賓客分享點點滴滴...

朋友事前與餐廳溝通多次, 要求先將2張枱疊起, 騰出半間房的空間來讓賓客們影大大大合照, 服務員仲預先放好一排椅子, 方便大家分成2排影相, 服務都算不錯...

kenmerry 拉姑 發表在 痞客邦 PIXNET 留言(4) 人氣()

4 July 2013, Thursday

我要減肥, 班死黨硬要捉我出來, 話出來志在聚吓, 又比我揀食咩, 即係唔出唔得啦... 咁食齋啦!!! Book咗位, 行到門口都冇人得閒理你, 朋友索性走去繼續行街, 過咗10分鐘左右, 忽然急Call我地, 原來想我地5個人坐4人枱!!! 嘩!!! 張4人枱前後左右都比人夾死硬, 根本坐唔到5個人, 緊係唔制啦!!! 最後又再等, 等咗半個鐘, 先有枱比我地, 其實都係4人枱, 之不過枱尾係梳化, 都坐得到1個人...


德國補血黑麥汁 $18
-- 職員大嬸推介黑麥汁, 話好飲過可樂, 又真係幾好飲, 酸酸咪咪, 又有黑麥獨有的香味, 正...



法式牛油果焗多士 $34
-- 好香牛油果味, 香肥美呀, 多士脆脆的, 好正!!! 不過班衰人話牛油果肥呀, 唔比我食咁多... 得1小角, 唔夠喉...


五彩雞絲粉皮 $42

kenmerry 拉姑 發表在 痞客邦 PIXNET 留言(0) 人氣()

9 July 2013, Tuesday

上月收到餐廳的邀請時非常高興, 本應第一時候赴會, 唯本月初有重要宴會要出席, 需要緊急減磅, 可以稱得上係十萬火急, 哈哈... 感謝餐廳方面的配合, 重要宴會完滿結束, 我同老友食家第一時間到來試食...

餐廳位於食肆林立的金馬倫道, 找到龍記大廈, 在大廈鐵閘外需按樓層單位的門鐘, 待餐廳開閘... 乘電梯往5樓, 深啡色的木門有點像住宅, 餐廳內只有數張桌子, 以黑白灰色系為主的用餐區, 簡潔而沉實, 從外而內散發著私房菜的氣息... 坐在任何一個角落, 都可以看到紅酒櫃及生蠔吧, 每當有客人點蠔, 服務員即席開蠔的一舉一動, 盡入眼簾... 餐廳內還燃點著香氛, 幽幽的香氣, 閃爍的燭光, 浪漫醉人, 很適合情侶們來談心...

店主推介的Bordeaux Supérieur Red在橡木桶中發酵了12個月後, 呈現徹底的現代紅色, 濃縮水果味, 柔順平衡... Château Argadens 位於頂級葡萄酒生產地--波爾多, 白酒及紅酒出品的第一個年份是2002年, 雖然酒莊非常年輕, 但擁有人卻是由1883年已於波爾多進行採購的Sichel家族...  


麵包配自制特式醬 (Bread w/ Homemade Sauce)
-- 鬆軟的麵包, 塗上自家制的茄子醬, 口感油潤柔順, 像茄子牛油, 越塗越多, 欲罷不能... 


(由右至左)

kenmerry 拉姑 發表在 痞客邦 PIXNET 留言(5) 人氣()

3 July 2013, Wednesday

一直想學咖啡拉花, 今日居然可以零距離觀賞Peter Hernou表演冠軍級咖啡拉花藝術, 及介紹其獲獎著作《Latte Arte》, 活動完畢後更可參加由Peter Hernou主持之咖啡拉花工作坊, 咁千載難逢的機會, 請半日假去都好應該啫... 活動於尖沙咀K11的Steik World Meats舉行...

世界級咖啡大師兼得獎作家Peter Hernou來自比利時咖啡之都安特衛普, 2009年世界咖啡拉花大賽 (World Latte Art Championship) 冠軍得主, 並獲邀為多項世界咖啡大賽擔任評判, Peter致力將咖啡文化推廣至全球各地, 其著作《Latte Arte》更榮獲業內的Gourmand Cookbook Awards冠以2012年世界最佳咖啡書籍 (World Best Coffee Book)!!!


Peter Hernou表示︰「咖啡絕對不單是一種提神飲料。一杯完美的咖啡,結合了眾多的人力物力,由咖啡豆的種植、烘焙至沖調,均要求一絲不苟的專業技藝。作為一名專業咖啡師,我期望能將咖啡文化推廣至全世界,並透過咖啡的極致味道、專業知識、技巧及拉花藝術,將咖啡提升至更高層次。」

為慶祝《Latte Arte》於亞洲推出, Peter專程來香港表演冠軍級咖啡拉花藝術, 並特別為香港烘焙數款具個性的咖啡豆... 由Peter Hernou監督烘焙的咖啡豆,混合來自世界各地如危地馬拉、盧旺達、厄瓜多爾、埃塞俄比亞等地的咖啡豆,並備有兩款口味︰適合調製意大利特濃咖啡,及卡布奇諾或拿鐵等鮮奶咖啡, 將由Belgian Confectionery Co., Ltd.引入, 預計於2013年8月推出...


Belgian Confectionery Co., Ltd.的負責人陳祖義表示︰「由茶餐廳的港式咖啡到街頭巷尾的個性咖啡室,以至成行成市的大型連鎖咖啡店,均證明咖啡已成為大部分香港人的生活必需品。我們期望香港的咖啡文化能更上一層樓,因此特意邀請世界級咖啡大師Peter Hernou來港獻技及分享專業知識,並推出由Peter烘焙的大師級咖啡豆,藉此推廣更優質上乘的咖啡新體驗。」

Peter對咖啡的要求相當高, 由於咖啡奉客的溫度很重要, 所以縱然只是示範, 速度亦不能減慢, Peter以極速完成每一杯咖啡的拉花... 最欣賞Peter一句說話, 就係佢"做一杯咖啡出來, 唔係為咗倒咗去, 所以請大家幫忙飲落肚"... 有意思!!! 世界級人馬, 果然非凡... 
 

kenmerry 拉姑 發表在 痞客邦 PIXNET 留言(2) 人氣()

20 June 2013, Thursday

意大利菜是我的5大至愛菜系之一, 非常高興今晚可以與新舊食友一起品嚐意國美食, 受到美食的魔法影響, 美食當前, 就算是新相識的朋友, 也可以有無盡的話題...

對金域假日酒店一點也不陌生, 曾食過Tea Buffet... Osteria 意大利餐廳位於閣樓, 從Lobby步上數級樓梯即達...

大家準備好未?!! 擺放在餐廳門外的貢多拉 (Gondola)會帶領大家透過開放式廚房, 穿梭意國展開美食探究之旅... ♫Sul mare luccica l’astro d’argento ♪  Placida è l’onda, prospero è il vento♫ 哈哈哈... 呢首Santa Lucia係貢多拉的船夫熱唱歌曲之一, 我舊年去威尼斯旅行時無坐到貢多拉, 但威尼斯有400條橋之多, 每每係過橋時都會聽到剛漂流過的貢多拉船夫高歌, 對Santa Lucia一點也不陌生...


暗紅色的磚牆, 柔和的燈光, 牆上的壁畫, 雪白的枱布, 深啡色的木椅, 還有擺放在餐枱上的意大利陳醋(Balsamic vinegar)及橄欖油(Olive Oil), 一切一切都非常有意大利Feel, 讓人感覺好舒服自在...


餐廳中央讓有一排木枱是以原木製造, 表面有好多小孔被修補過的痕跡, 很Raw的哦... 接近入口處有一張雲石Round Table, 很有氣勢, 一大班朋友來開一個波茨坦(Potsdam)圓桌大食會議也不錯o耶... 到時各人的爭奪對象並非什麼國家, 而是美食哦, 嘿嘿... 


kenmerry 拉姑 發表在 痞客邦 PIXNET 留言(4) 人氣()

6 June 2013, Thursday

獲邀出席Häagen-Dazs全新「夏日雪糕甜品」發佈活動, 與一眾Bloggers試食全新雪糕口味、夏日甜品及特飲, 非常幸運, 多謝有關單位的安排~

猶記得上一次「魔幻滋味系列」發佈活動, 大會邀請了魔術師以一連串出色的魔術表演為活動掀開序幕, 令現場人士熱血沸騰, 場外人士亦不禁駐足觀看, 非常熱鬧~

今夜則安排了有獎遊戲與一眾Bloggers玩樂, 這個矇住眼試味的Blind Test Game, 自問沒有勇氣嘗試... 4組食家均能通過Blind Test, 不得不配服各食家的味覺...

遊戲完畢, 重頭戲來了... Haagen-Dazs Summer Series全新堂食甜品隆重登場...

月影迷情 Moon Shadow $102
-- ♫香蕉變出香蕉船 ♪船上面有一排歡笑面♫ 嘿嘿, 若說美少女戰士是經典, 咁呢首香蕉船歌就係經典的經典!!! (唔好誤會呀, 我未聽過o架, 我係網上搜尋香蕉船見到o架咋)
經典的造型, 嶄新的口味... 以略烤焦的香蕉, 盛載著三球雪糕, 包括新口味「香蕉朱古力蛋糕」雪糕, 呢位「比英哥」混血兒, 混合了比利時的朱古力醬、英國的朱古力蛋糕、哥斯達黎加的香蕉蓉, 造就出甜而不膩, 香蕉味濃度比美真香蕉的雪糕, 還帶點焦糖味, 令人難以抗拒... 與比利時朱古力和抺茶雪糕結伴, 向著充滿棉花糖、士多啤梨、Brownies、Nuts的海洋邁進, 尋求味覺的更高境界...


kenmerry 拉姑 發表在 痞客邦 PIXNET 留言(2) 人氣()

5 June 2013, Wednesday

受到邀請出席東海堂全港首間arome Bake & Drink概念店的試食活動, 非常興奮... 全新概念店除特設本店限定的「BAKE」現場即製產品, 更特選一系列獨家別注的「DRINK」即制日式飲品, 在炎炎夏日為您送上清涼の快意, 帶來嶄新和風體驗!!!

6時左右已到達德福花園, 但要等埋老友食家, 一等就等到7點, 匆忙趕到淘大花園的新店, 店外的人流非常強大, 要進店也要一點時間... 由於活動已開始, 拍的照片有點倉促...


arome Bake & Drink重點推介多款全新別注即制日式飲品, 包括「十勝紅豆抹茶」及「寒天青森蘋果汁」...

「十勝紅豆抹茶」以北海道3.6牛乳精心調配的清幽抹茶, 佐以大顆飽滿的十勝紅豆, 微甜中帶淡淡茶香, 清甜の味為炎炎夏日增添涼意... 我係紅豆抹茶迷, 嘗試了1杯, 非常滿意, 比坊間做的出色...


「寒天青森蘋果汁」 以纖維量高達70%的日本寒天(Kanten), 配合青森縣名物的清甜蘋果汁, 完美打造出健康又美味的降熱消暑特飲, 帶來沁人心脾的清爽の味... 產自日本的寒天由天然藻類精心提煉 出來, 含有大量的低卡路里食物纖維, 口感柔軟滑嫩...


kenmerry 拉姑 發表在 痞客邦 PIXNET 留言(2) 人氣()

29 May 2013, Wednesday

老友食家受到店方邀請前往試食, 相約我一同前往, 在Starry Night來到梵高的The Night Café in the Place Lamartine in Arles...

餐廳鄰近灣仔消防局, 大廈入口比較窄, 一不留神可能會略過了... 步上10級樓梯左右, 到達電梯大堂, 可乘升降機到1樓... 電梯門一打開... 嘩... 眼前一亮!!! 梵高的星夜, 歐陸的擺設, 仿紅磚的牆紙, 與剛才大廈入口的對比實在太大, 現在可收回剛才的一滴冷汗...


穿過時光之門, 回到1888年, 置身名畫家梵高(Vincent van Gogh)的The Night Café in the Place Lamartine in Arles之中... 店內的格局, 紅色的牆、油木地板、掛畫、吊燈、桌球, 一切一切, 將梵高的The Night Café in the Place Lamartine in Arles演活了!!!


牆上還掛了大大小小的梵高作品, 包括Cafe Terrace at Night、Starry Night Over the Rhone、The Yellow House... 店主在外地留學時到餐廳兼職, 學廚6-7年後, 考獲多項食物牌照, 後來留浪到荷蘭, 看到梵高的名作, 希望將來可以擁有一間像畫廊的餐廳, 今天他的願望成真了, 客人還會幫忙襯畫及比意見...


店主為顧客人的私隱度, 特設布幕, 只要放下, 便成為Private Room... 餐廳的裝潢既美觀又特別, 吸引了很多客人來這兒舉辦私人或商品派對...

用餐前, 先來餐前小吃Pan-fried Garlic... 原個蒜頭炸香, 辛辣味盡去, 入口甘甜, 賣飛佛!!! 旁邊的... 薯條... No!!! 原來係麵包條, 誤會了, 灑上黑松露橄欖油, 又香又脆, 好味又特別...

kenmerry 拉姑 發表在 痞客邦 PIXNET 留言(0) 人氣()

28 May 2013, Tuesday

今晚天公造美, 終於可以去西環試食, 整個5月幾乎日日都落大雨, 一直未能前往... 餐廳非常接近電車總站, 印象中只去過附近一次... 基本上我唔係好識分上環同西環, 咁陌生的地方, 緊要搵上環區地膽--老友食家一齊去...

放工後在香港站會合, 轉乘叮叮至吉席街電車站, 一落車便會見到深井咖喱寶, 非常易搵...


推門進入, 看到開放式水吧, 燈光昏暗, 配合各式吊燈, 印度掛畫, 頗有情調...


我地坐近入口的梳化位, 初時並不覺得冷氣不足, 但吃下火辣辣的咖哩後, 血氣運行, 不禁開始冒汗...


晚市二人餐有2款, $214 及 $236, 有1-2個前菜有2-3個主菜有烤餅有餐飲, 睇落幾抵...

kenmerry 拉姑 發表在 痞客邦 PIXNET 留言(0) 人氣()