目前分類:消閒娛樂 (211)

瀏覽方式: 標題列表 簡短摘要
6 August 2013, Tuesday

去年朋友約同我一齊去睇話劇「愛可以多狗」, 睇話劇我都係第一次, 當時已經好欣賞多才多藝, 習導演、編劇、作詞、主演於一身的火火…

微電影近年火速興起, 由火火編導, 夥拍監制OTTO, 找來RubberBand的泥鯭主演的溫情小品「包包」, 將一對母子的互相關愛之情, 以輕鬆惹笑的手法, 演繹得淋漓盡致, 多個笑位均令人會心微笑…

平時死慳死抵的媽媽, 連手袋爛咗都唔捨得換, 餐餐都煮大魚大肉比兒子食, 自己卻裝作吃飽了, 兒子看在眼裡, 經常扮減肥, 以藉口”食唔晒倒咗去”來相迫媽媽一起吃, 場面窩心…

兒子買了手袋想送給媽媽, 卻害怕媽媽不捨得用, 想了多個藉口也行不通, 笑料不絕... 臨近中秋, 在酒樓飲茶時見到職員正銷售月餅, 心生一計…

這邊廂兒子正將手袋的名牌去除, 模仿月餅盒上的圖案, 以水印紙貼到手袋上… 那邊廂媽媽得知兒子已買了自己心儀的手袋…

當兒子送上親手做的粉紅色月餅袋時, 我看了也想哭, 媽媽卻裝作若無其事, 欣然接受, 溫馨感人...

泥鯭親手做的珍珠粉紅月餅袋真的很漂亮, 我也想要一個呢~

kenmerry 拉姑 發表在 痞客邦 留言(2) 人氣()

27 June 2013, Thursday

有冇人可以幫到我呀?!! 我中咗糖毒呀!!! 每日的空檔都被Candy Crush佔據了!!! 好想摌咗佢呀, 但我落唔到手!!! 我的澳洲旅遊BLOG寫咗3個月都仲未寫完, 比Candy Crush害死喇!!!

原來糖唔食落肚, 齋玩都會肥, 我已經肥咗幾磅啦... HELP!!!!!!


kenmerry 拉姑 發表在 痞客邦 留言(2) 人氣()

15 May 2013, Wednesday

我係一個寫食評的Blogger... 嚴格o黎講... 係食記!!! 純粹記錄自己食過d咩, 等將來可以睇翻, 回味一下...

寫影評?!! 我未試過喎!!! 我比較少睇戲, 鐘情睇西片多d, 多數都係睇主流影片... Harry Potter, Iron Man, Spider Man, Bat Man, X-Men, Matrix, Lords of the Rings, Pirates of the Caribbean, Narnia, Inception, Avatar... 探討人生哲理的非主流小品電影, 除了3 Idiots, 其他戲票都是贈送的 (Wasao, The Beaver, The Conspirator)...

今次有幸獲Pizza Hut邀請前往欣賞電影, 對我來講, 算是一種突破... 先感謝Pizza Hut及PR的邀請, 讓我可以睇到一部咁感人的電影, Thank You!!!


電影「勝利人 生」(The Hammer), 囊括8項電影殊榮包括最佳電影 及 最觸動人心電影, 片長 1小時48分, 根據真人真事改編... 電影講述先天失聰的麥克咸美(Matt Hamill)如何克服身體殘障, 排除萬難, 朝着目標奮鬥, 成功三度成為美國首位失聰摔跤冠軍的真實事蹟!!! (NCAA Division III National Champion in wrestling -- 167 lb class in 1997, 190 lb class in 1998 and 197 lb class in 1999)

麥克咸美生長於一個單親家庭, 先天失聰, 由於沒有父親, 麥克自小便以他祖父史丹利為學­習榜樣, 史丹利用自己的方法訓練麥克用眼睛代替耳朵, 像常人一樣以說話溝通, 安排麥克學習摔跤運動, 最後麥克成功獲取獎學金, 加入著名的普渡大學(Purdue University)摔跤隊, 卻因不熟悉手語而遇上學­習困難, 被逼退學!!! 麥克重返家鄉自暴自棄, 在祖父的激勵下, 到羅徹斯特理工學院(Rochester Institute of Technology - RIT) 繼續學業及摔跤, 該校設有專為聽障學生而設的特殊課程, 在新環境中麥克遇上了一羣同是聽障的同學, 亦學懂新的溝通方法「手語」... 最後贏得三屆全國大學體育協會摔跤冠軍!!!

http://www.TheHammerFilm.com

http://www.facebook.com/HamillTheMovie

kenmerry 拉姑 發表在 痞客邦 留言(0) 人氣()

26 December 2012, Wednesday

第一年到希慎廣場影聖誕裝飾... 嘩... 好公主呀!!! Where is my 白馬王子?!!

半個唔會轉的旋轉木馬, 唔算好大型, 但好Grand...


隻馬肥嘟嘟, 好得意呀!!! 唔知馬年農曆新年時會唔會拎返出來重用呢?!! (哈哈, 連發白日夢都好環保)
 
正面...

聖誕老人的專用雪橇... d禮物呢?!! 咁發就派晒啦?!!

kenmerry 拉姑 發表在 痞客邦 留言(0) 人氣()

24 December 2012, Monday

今晚朋友約我地去中環食晚飯, 食飽飽之後大家仲去蘭桂坊行咗個圈, 之後入咗Landmark睇聖誕樹...

嘩!!! 嘩!!! 嘩!!! 雪山呀!!! 吊車呀!!!

木屋前仲插咗幾對雪橇, 好真呀!!!

吊車仲會轉動, 真的一樣, 好勁呀!!!


如果可以係上面滑落o黎就好囉...

kenmerry 拉姑 發表在 痞客邦 留言(0) 人氣()

13 December 2012, Thursday

今日路過太古城, 見有少少太陽, 人流唔多, 雖然冇帶相機, 都用手機影住先...

今年嘅主題係仙子, 都幾高貴...






kenmerry 拉姑 發表在 痞客邦 留言(0) 人氣()

19 December 2012, Wednesday

同舊年一樣, 係Clipper Lounge嘆完High Tea, 就係皇后像廣場的「香港繽紛冬日節」--Tiffany閃耀聖誕逛下...

18公尺高的聖誕樹...

聖誕屋 -- 可以免費入內同聖誕老人合照... 我幾搞笑呀, 誤會佢係蠟像, 係屋外面影佢, 佢竟然揮手同講Merry Christmas...

我嘅第一個反應係... 嘩!!! 咁勁嘅個蠟像, 有紅外線Detect到我地係度, 識自動揮手同講Merry Christmas嘅... 後來先知係真入, 走咗入去合照... 我真係笑自己低能笑到肚痛...

童話式的旋轉木馬 -- 每次乘坐港幣$30

kenmerry 拉姑 發表在 痞客邦 留言(4) 人氣()

21 December 2012, Friday

Chocolate Rain呀!!! Chocolate Rain呀!!! 哈哈... 其實我唔係Rain迷, 不論是此Rain抑或彼Rain... 不過朋友個女生得好似Chocolate Rain, 咁我愛屋及烏的影響下, 又鍾意埋... (註: 我係超級馬迷, 此馬又不同彼馬, 我鍾情的馬是低能果位, Wakakaka)

Rain Rain...

Rain Rain...

Rain Rain...

Rain Rain...

kenmerry 拉姑 發表在 痞客邦 留言(0) 人氣()

19 December 2012, Wednesday

海港城的聖誕裝飾係每年聖誕節都必睇的!!! 今年都唔例外... 其實我一個月前已經睇咗, 不過當時冇手影相, 所以今晚捲土重來...

好靚的波波呀!!! 閃令令o架!!! 仲有每個公主都緊有1隻嘅白馬呀!!! 空中飛翔的白馬, 好夢幻呀!!!

愛麗斯個Friend都o黎埋...

嘩!!! 個鐘扭曲到咁?!! 到底而家幾點呀?!! 我約咗朋友食飯, 夠鐘未呀?!!

影咗幾張, 竟然落雨!!! 激死!!! 唯有放棄...

kenmerry 拉姑 發表在 痞客邦 留言(0) 人氣()

1 November 2012, Thursday

繼舊年來香港美酒佳餚巡禮大吃大喝一番之後, 已經上癮, 今年必定要捲土重來!!!

最受歡迎的波爾多紅酒今年集結成村, 設立於會場入口, 非常方便各位波爾多"粉絲"... 旁邊還有意大利村, 後面是「甜品天地」, 還有得獎佳餚也自成一區, 不用大家苦找...

場內設有巨型酒樽, 由名設計師靳埭強設計的五嶽行酒令, 氣勢迫人...

開幕典禮的表演台仍在準備中...


攤位#D101

Kawaii Cute Bear Macaroon -- 超可愛的啤啤熊馬卡龍, 我還在欣賞時, 同行男士已被啤啤熊迷倒急急付鈔了, 我最後也忍手了, 期待他的試食報告...

kenmerry 拉姑 發表在 痞客邦 留言(19) 人氣()

30 August 2012, Thursday

今日趁暑期就完, 帶姪女去海港城大門口睇叮噹!!! 講叮噹時佢冇咩反應, 係喎, 佢地淨係識「多啦A夢」咋喎, 哈哈~

12點前去到, 已經好多人!!! 掛住睇實個細嘅, d相都係求其影, 冇時間慢慢拎角度... 帶咗相機都冇時間拎出o黎, 用iPhone影咋...

初時好驚姪女對「多啦A夢」冇興趣, 好彩去到佢都好開心, 自己揀鍾意嘅叮噹合照... 後尾影到唔想走...

有d叮噹唔使等就影得, 有d熱門d嘅要等3組人左右, 好彩無論大人同小朋友都好守秩序, 自發排隊...

係有幾隻叮噹, 有單身大朋友離遠拎緊角度影緊齋叮噹, 姪女唔知道, 以為冇人影緊, 標咗埋去, 同佢解釋都好似聽唔明, 冇計, 唯有同大朋友講聲唔好意思, 然後9秒9影完帶姪女走, 哈哈..

影咗50隻以上, 揀幾張角度正常d嘅Post出o黎...

kenmerry 拉姑 發表在 痞客邦 留言(2) 人氣()

20 August 2012, Monday

ArtisTree又有新搞作...


空間之旅:林偉而 - 裝置十年...

入口有20個水缸, 係用中文數目字同阿拉伯數目字, 由1數到10, 用燈光透射到地面, 幾特別...

用600個回收月餅盒砌成嘅中秋塔...

用信封編織而成嘅遊亭...

kenmerry 拉姑 發表在 痞客邦 留言(2) 人氣()

15 August 2012, Wednesday

自從舊年開始學習微型藝術, 從此對迷你公仔屋制作著了魔, 所有有關於微型藝術的展覽及書籍都不會放過...

最近位於中環愛丁堡廣場三號的展城館, 舉辦專題展覽「獨特的香港縮影」, 我當然不會錯過...


今天是第一次使用新相機Sony Cybershot DSC-RX100拍攝迷你公仔屋, 效果真的不錯, 我很滿意... 大家也來一起欣賞吧...

~ 微型巴士站 ~


~ 微型唐樓 ~


kenmerry 拉姑 發表在 痞客邦 留言(6) 人氣()

3 June 2012, Sunday

講咗十幾年, 話將紅屋開放做博物館, 今日終於有得入去參觀喇!!! 你地話啦, 我地個政府做o野幾咁有效率吖~

好, 而家就帶大家入去睇睇, 搞d咩咁勁, 要搞成十幾年嘅...

荷花池~

一入門口, 被力Sell去體驗自然工作坊, 天氣太熱, 濕度又高, 迷迷糊糊就比人帶咗上去... 一睇... 嘩!!! 乜搵d咁考IQ, 仲需要心眼手腳合一嘅工作坊o黎搞我呀... 紙牌手工呢條橋應該係參考康文處...

難度太高, 一坐低, 紙巾都抺濕2張... 好不容易, 完成咗... 放埋去工作坊嘅Demo側邊影相留念...

kenmerry 拉姑 發表在 痞客邦 留言(4) 人氣()

3 April 2012, Tuesday
嘩嘩嘩!!! 個機械人唱緊歌呀!!! 個頭同個身同對手都識郁o架!!! 好利害呀!!! d皮膚同頭髮仲好靚添呀!!!


### 全互動機械人大博覽 ###

世界級機械人來自日本、韓國、中國、台灣和丹麥與您互動。展期內每日為您示範跳舞、踢足球、耍功夫、彈琴、賽跑、行迷宮等技能,令您大開眼界!此外,機械「美人」Geminoid F更首度訪港。

地點﹕2樓中庭及中橋
日期﹕3月29日至4月15日
網址﹕http://www.cityplaza.com/NR/rdonlyres/DA285655-98D4-41E3-B058-CF9BB4A8701D/24975/edm.jpg

kenmerry 拉姑 發表在 痞客邦 留言(2) 人氣()

23 January 2012, Monday

大年初一嘅必備節目一定係拜年啦!!!

中午係夫家拜完年, 就趕入新界食盤菜喇!!! 今年天氣寒冷, 得果10度唔夠, 再加上落雨, 但係千人盤菜宴依然座無虛席, 利害利害!!!


夜晚係娘家拜完年, 就趕去尖沙咀「國泰航空新春國際匯演之夜」睇花車巡遊...

舊年睇過一次, 今年又凍又落雨, 原本已經決定唔去睇... 坐緊車返屋企時又心思思想去, 最後都決定去...

打頭陣嘅依然係國泰航空嘅花車—「國泰伴你  展翅高飛」...

因為落雨, 冇帶單反機, 剩係用部Sony Cybershot WX5影, 所以D相麻麻地... 剩係POST D比較OK嘅相, 唔POST晒所有表演隊伍啦...

泰國政府旅遊局嘅花車中泰同歡樂 ‧ 雙龍齊獻瑞...

kenmerry 拉姑 發表在 痞客邦 留言(0) 人氣()

31 December 2011, Saturday

大除夕晚係中環「
香港華商銀行公會」食完飯, 經過一輪熱烈討論, 最後大家一致達成嘅共識係... 去「工展會」!!!

原本只係打算逛一陣, 然後去附近間酒店飲杯嘢倒數, 點知行吓行吓, 買吓買吓, 竟然已經夠鐘!!!

場內嘅攤位好多都有進行倒數自娛, 有D仲派香檳同紅酒與眾同樂, 都幾熱鬧...

入場前只係打算逛吓, 最後都買到一袋二袋... 唔係話好平, 平外面十蚊八蚊啦... 女人嘅天性就係咁, 唔買嘢唔安樂嘅...

最大收穫唔係購物, 而係參觀咗主題展館「香江歲月」微型藝術展, 好多嘢睇呀!!! 又要狂影嚟做參考啦!!!

kenmerry 拉姑 發表在 痞客邦 留言(0) 人氣()

29 December 2011, Thursday

太古城今年聖誕節請咗個來自加拿大嘅斐聲國際魔術手嚟表演, 放工第一時間去睇吓先...

未夠鐘D人已經霸晒好位, 我唯有企係D睇得唔係太清楚嘅位觀賞...

開始啦...

一嚟就放吓火先...

跟住請咗2個細蚊仔上枱一齊表演...


當然唔少得美女啦...

kenmerry 拉姑 發表在 痞客邦 留言(0) 人氣()


27 December 2011, Tuesday

聖誕幾日假期, 連環食咗太多Junk Food, 係時候要消耗吓D熱量啦...

今日個天好清好藍, 咁難得, 真係要望多幾眼...

 
上山上到一半, 竟然有隻松鼠9秒9由右邊山坡衝咗去左邊山坡, 都未拎得切相機影低佢就已經消失咗... 雖然影唔到, 但係都好開心, 因為對上一次見到松鼠已經係幾年前喇, 好掛住佢地呀...

嗱, 就係行到呢個位見到嘅!!! 你地下次路過記得留意吓有冇松鼠出沒啦...

kenmerry 拉姑 發表在 痞客邦 留言(2) 人氣()

24 December 2011, Saturday

去「南坊」嘆完世界, 就係數碼港四圍逛吓...

到處都係呢隻Rody嘅Poster... 橫掂冇咩做, 就跟佢指示嘅方向去睇睇「數碼港聖誕嘉年華」有咩玩...

行到去露天嘅數碼廣場... 一睇... 嘩... 好大型咁喎...

嘩... 好好玩咁喎... 我都好想玩埋一份呀...

入到數碼港商場內嘅全天候廣場, 嘩... 呢D彈彈馬仔好得意呀, 我都好想玩呀...

kenmerry 拉姑 發表在 痞客邦 留言(0) 人氣()