Ken & Merry 為食男女，遊走世界!!!

16 July 2011, Saturday

一月中果陣, 環保署宣佈係6個公屋試驗12個月回收玻璃樽, 當時鬼咁興奮, 一心諗住好快可以清咗屋企D堆積如山嘅玻璃樽...

點知等到頸都長, 都仲未有新消息...

轉眼都已經過咗6個月, D玻璃樽依然堆積如山, 唉...

上個月又發現其他團體都開始回收玻璃樽...

其中一個係香港泥頭車司機協會嘅「玻璃再生璀璨」項目, 雖然包括太古城, 可惜只限屋苑居民, 激死, 俗語話近廚得食, 但係我咁近太古城都唔可以拎D玻璃樽去回收...

除咗太古城, 就要去到灣仔盧押道垃圾收集站(近修頓球場), 好遠呀, 同埋佢一星期得2日會回收, 仲要係朝早, 我驚搬完D玻璃磚去到, 佢地收咗檔, 我都唔知點算... 所以一直未有行動...

今日終於諗到籍口去灣仔, 臨出發之前, 再上網Check真D先... 呀)))))) 魚則魚涌終於有公眾回收點啦!!!!!! 仲要係英皇道東匯中心, 近好多呀!!!!!!

雖然未至於方便到係屋企樓下咁, 但係已經好過灣仔好多啦...

我今日已經成功回收咗10個玻璃樽啦, 下星期六要再拎多D玻璃樽去回收先得...

呵呵呵呵... 我個廚房好快就可以展示「零玻璃樽」嘅美態啦!!!!!!

### 回收機構小檔案 ###

環保署及房委會の「玻璃樽回收試驗計劃」(Glass Bottles Pilot Recycling Programme)

http://www.info.gov.hk/gia/general/201101/15/P201101140099.htm

環保署及房委會合作, 係2011年1月15日推行「玻璃樽回收試驗計劃」, 為期十二個月, 佢地係6個公屋設立回收點, 包括彩盈村、順利村、順安村、順天村、牛頭角上村及油麗村...

11 July 2011, Monday

近期係UFood寫食評抽中咗「稻香20周年小克紀念碗碗一套」, 嘩... 好開心呀!!! 皆因我一向都好鐘意呢隻熊貓, 貪佢對黑眼圈同我一樣咁大, 咔咔咔咔...

一套四款配精美禮盒... 仲連埋同款環保袋...

我最鐘意點心造型...

跟住就係打邊爐造型...

呢個雞仔都OK啦...

10 June 2011, Friday

近日有Blog友問我係咪飲食雜誌嘅試食員、編輯、公關... 我都真係好想... 不經不覺已經寫咗超過250篇飲食Blog, 但係依然未有伯樂出現, 嗚嗚嗚嗚...

上個月悶到暈, 身痕走去UFood登記咗做會員, 將Y!Blog呢邊寫過嘅食評, 慢慢係UFood逐一貼上... 希望有朝一日, 可以吸引到我嘅伯樂, 搵我入行做飲食記者, 到時可以有免費好o野食不特止, 仲可以日日奉旨食食食, 同減肥講拜拜, 嘩咔咔咔... (發夢都冇咁早)

今日打開信箱, 收到UFood嘅「位元堂美髮素」換領信, 原來做咗會員之後, 只要提交食評, 就有機會獲得精選禮品, 位元堂美髮素(名額100個)就係5月23日至6月6日期間嘅精選禮品...

雖然唔係免費飲飲食食嘅入場劵(飲食記者), 不過都可以當係小小嘅甜頭啦, 總算好過冇~

係我努力連環每日幾Post之下, 竟然可以爬升至食家排行榜第2位, 自己都有小小唔相信呢個事實... 希望此舉唔會令Blog友們真係以為我係飲食記者啦~ 雖然呢個係我嘅夢想, 不過依然係一個未實現嘅夢想!!!

我要繼續努力, 希望有朝一日可以成為UFood星級食家, 咁遇到伯樂嘅機會就可以大增啦~

4 June 2011, Saturday

終於儲齊啦!!! 1套6色嘅「可口可樂罐形玻璃杯」!!!

終於唔使再食麥當勞啦!!! 好辛苦呀呢3個禮拜!!! 起碼1年都唔想再食啦!!!

呢張我設計嘅... 你睇小虎幾嘆...

呢張Honey設計嘅...

20 May 2011, Friday

收到JUSCO嘅宣傳單張, 等我昅吓有咩筍o野先... 咦... 呢SET「愛香港」抺手布好鬼得意呀!!! 20蚊2條, 感謝日仲有95折, 第一時間衝去掃一SET!!!

Love HK Project「愛香港」抺手布一套有四款, 包括「餐蛋麵」,「 咖喱魚蛋」, 「煲仔飯」, 「叉燒包」, 卡娃兒呢!!!

21 May 2011, Saturday

尋日睇報紙見到呢個麥當勞「可口可樂罐形玻璃杯」, 驚為天人, 一見傾心!!!

平時唔好鐘意食麥當勞, 但係今日都要第一時間衝去麥當勞買番個加大套餐!!!

紫色真係好靚呀!!! 我仲想換粉紅色同綠色呀!!!!!!

詳情可瀏覽 http://www.mcdonalds.com.hk/chinese/campaign/cokeglass/index.htm

麥當勞-食加大套餐送「可口可樂罐形玻璃杯」

飲飽食醉完, 風花說月埋, 係時候去拎番早幾日係Apita買落嘅西裝!!!

真係可以自己放落洗衣機洗架!!!

Washable Suit真係好正架, 年中慳唔少乾洗費, 而且可以洗密D, 衛生好多~

之前Honey係馬沙都買過幾套Washable Suit, 不過西人Size, 就算買到最細個碼, 都好大件!!! 今次呢件係日人Size, 有3隻Size都啱佢著, 仲幾Fit添, 第時買西裝又多一個選擇啦~

7 April 2011, Thursday

經歷完日本311大地震之後, 在家休養期間, 發現我的「Yahoo! BLOG排行」TOP BLOG排名原來在出發前一日更新了!!! 直線上升至第348位!!! 可謂長升長有!!!

不過... 為何當我發現時, 一點興奮的感覺也沒有??? 相信是受我的創傷後遺症所影響吧...

雖然沒有了興奮的感覺, 但我仍然要繼續努力向上!!!

3 February 2011, Thursday (年初一)

大年初一, 等我小虎同大家拜個早年!

仲玩虎??? 哈哈哈, 冇計, 唔通又即刻去買隻兔咩, 趕唔切啦, 頂住先啦!!!

祝大家 人比兔CUTE, 兔氣揚眉, 兔兔生威!!! 

15 January 2011, Saturday

等了又等... 等了又等... 等咗咁多年, 我屋企果D玻璃樽終於等到有得回收嘅一日啦!!! YO HO!!!

你睇, 真係堆積如山, 根本冇位再擺, 廚櫃入面都仲有, 客廳都有呀...

比較省鏡小小嘅, 都拎咗黎做花樽, 物盡其用!!! 因為繁殖過多, 搞到拎咗好多樽呢D水種植物返公司...

好多年都冇試過聽完政府嘅新聞後會有開心嘅感覺, 今晚真係超開心, 個計劃唔好試咁耐呀唔該, 快D推廣到我屋企樓下啦唔該, 快呀...

新聞詳情: -

6公屋推動玻璃樽回收
 (明報)2011年1月15日 星期六 16:45
屋村玻璃樽回收    試驗計劃今日正式啟動，以推動本地玻璃回收。環境保護署及香港房屋委員會    攜手合作，在東九龍6個公共屋村推行一項為期12個月的屋村玻璃樽回收試驗計劃，讓更多市民參與玻璃樽源頭分類回收，以及推動本地廢玻璃樽的回收再造。6個參與試驗計劃的公共屋村分別為彩盈村、順利村、順安村、順天村、牛頭角    上村及油麗村。房委會已在參與屋村內的住宅樓宇大堂或出入口附近放置的三色分類回收桶旁邊，加設一個淺綠色的玻璃回收桶，即第四色桶，方便居民在日常生活中將玻璃樽分類回收。參與計劃屋村收集到的玻璃樽會被循環再造成玻璃砂，以替代天然河沙，用於製造行人路磚。(即時新聞)

http://hk.news.yahoo.com/article/110115/4/m8qd.html

12 January 2010, Wednesday

通勝話, 今日「宜會親友」???

而家大嶼山得2度, 東區8度, 屯門7度, 仲落緊D雨添...

唔通... D古人專揀又濕又凍嘅日子「會親友」??? 大家圍住個炭爐打下邊爐同打下麻雀咁...

朝早比零晨更凍, 新界得番4度... 搞到我嘅「米芝蓮」一日遊都要告吹, 全日躲係梳化度開暖爐取暖!!! 添好運、新同樂... 你地要等我呀... 我一定會o黎o架...

13 January 2010, Thursday

近日努力KEEP住每日一BLOG, HONEY日日都留意住個排行榜, 尋日終於又有UPDATE... 最新「TOP BLOG」排名... DaDaDaDa... 519!!!

下一個目標, 要打入500大, YEAH!!!

我嘅權威性依然冇升過... 等我攪下D腦汁, 諗諗計先得...

大家要繼續支持我個BLOG呀!!! 記住我嘅口號--你今日睇咗未？

「TOP BLOG」更新@12/01/2011 -- 排名519

「TOP BLOG」更新@14/12/2010 -- 排名652

4 December 2010, Saturday

WoW... 又升咗啦個市...

原來上星期「TOP BLOG」排名又Update咗, 今次我終於係160萬個YAHOO BLOG入面, 打入「Yahoo! BLOG排行」頭1000名以內啦, Yeah!!!

早幾日同長頸鹿食飯, 佢見我咁積極影相, 竟然問我係咪有錢收... 咁係聽到O晒嘴... 我無奈地答"無錢收架喎, 仲要自己拎錢出黎食野"...

呢個世界上, 有D野唔係用錢黎衡量嘅...

大家要繼續支持我個BLOG呀, 我地一齊努力, 向「TOP OF THE TOP BLOG」邁進!!!

12 November 2010, Friday

WoW... 自從5月時發現Yahoo推出咗「Yahoo! BLOG排行」, 寫BLOG變得積極咗...

可惜我之後去咗東歐旅行, 冇寫一排BLOG, 排名即時跌出「TOP BLOG」, 激死我啦...

之後狂寫BLOG, 但由6月等到11月, 足足5個月Yahoo先再Update「Yahoo! BLOG排行」, 真係等到我頸都長...

終於可以排番高D啦, Yeah!!! 邊個話「求學不是求分數」o架, 哈哈哈哈...

7 September 2010, Tuesday

原本已準備好ANYTIME可以轉ISP, 因為用開十幾年嘅ISP唔肯減價之餘仲夠膽死加我價, 不過成日掛住吃喝玩樂, 呢件事一拖再拖...

直至去沖繩之前幾日, 有一晚返到屋企竟然完全上唔到網, 所有網頁都係UPGRADE嘅OFFER...

唔單止價錢減到3分2, 仲可以UPGRADE做100M光纖入屋, 仲送USB 3G MODEM, 任用"老電"超過7500個 Wi-Fi HOTSPOT, 仲有BA BA BA...

我因為訂咗IPAD, 都已經考慮緊要拎多筆錢出上網PLAN, 而家可以慳埋呢單, 爽呀!!!

最勢估唔到, 裝咗100M, 舊嘅8M竟然繼續留比我地用, 嘩... 一間屋可以4個獨立REAL IP同時上網, 邊用到咁多呀...

後話: -

100M頭2日都好正常, 速度超爽... 之後有2日完全用唔到, 要轉番去用8M, 跟住100M又用到1日, 又用唔到半日... 唔怪得咁豪啦, 留低埋部舊機, 原來內有玄機嘅... 希望快D穩定下來...

3 July 2010, Saturday

星期一好大雨, 攪到食完Lunch返公司濕到上大脾, 放工見到好多OL都著住水鞋, D款仲幾靚, 所以我都下定決心要買一對水鞋... 舊年已經想買, 可惜一直懶懶閒...

不過唔係週圍有, 好難搵... 唔知係咪比其他OL掃晒呢...

結果係Apixx搵到得1款要over HK$500, Jusxx有幾款都"好膠"都要over HK$400... 係好小部份時裝店有得買, 但係都係一對起兩對止, 冇咩款可言仲幾貴, 有D都係"好膠"...

終於最後比我係九龍灣淘大商場一間時裝連鎖店搵到, 折實300蚊咋, 超多款, 個樣又唔係"好膠"果D, 好抵玩!!!

快D有雨落啦!!!

27 June 2010, Sunday

尋日嘅"大嶼山水口灣掘蜆日"因天雨被迫取消... 全日D雨都冇停過... 而家仲黃雨... 今晚仲要入元朗食飯... 唉... 平時冇節目嘅假期佢又唔落雨... 激死...

每次落大雨嘅指定動作... 影相是也!!! 哈哈哈哈... 好無聊呀~

上面果D係我用傻瓜機影嘅, 下面呢張係Honey用單反影嘅, 係咪真係清D???

19 June 2010, Friday

WoW... 繼早前發現自己出現係Yahoo!旅遊, 已經興奮無比!!!

近日編寫「風雨中漫遊東歐2010」嘅時候, 竟然發現自己係TOP BLOG一分子呀, 真係好好好開心呀!!! 雖然排名唔係高, 哈哈哈哈...

如果Search到你嘅BLOG的話, 你嘅BLOG嘅LINK後面會出現「TOP BLOG」灰色格仔... 一CLICK...

就會入咗呢個版面!!! 我係1,217,177個BLOG入面排2047!!! 雖然排名低咗D, 但係, 我會比心機寫好D個BLOG o架啦!!! 大家比D時間我!!!

仲有, 2047呢個數目未都幾特別吖, 正好係香港回歸50年, 阿公話會"香港會50年不變", 我都希望到咗個一日, 我都仲可以棟係呢度, 同大家分享我嘅旅遊同飲食日誌!!!

我今日貼咗啦!!! 你貼咗未???

聽日再教大家點貼!!! 夜啦, 好眼瞓, 要瞓Lu~

「Yahoo! BLOG排行」小檔案

13 February 2010, Saturday

萬事俱備!!! 只欠1天!!!

9 January 2009, Saturday

之前係馬仔BLOG已經見到, 好想好想要呀!!! 雖然公司對面有Towngas, 但係望入去唔覺有, 所以唔敢入去...

今日路過太古Towngas, 佢擺正係大門口呀, 嘩!!! 正呀!!! 我即刻入去笠咗3本, 咁遲D食拉力早團年飯嘅時候, 就唔使帶住兩梳蕉啦, 哈哈...