Ken & Merry 為食男女，遊走世界!!!

26 May 2013, Sunday

非常榮幸獲到PR邀請前往位於旺角, 剛開業不足2個月的安安燒, 與廿幾位Bloggers一起試菜... 從旺角地鐵站銀行中心出口步行至安安燒, 只需10分鐘左右... 面向東鐵線, 旺中帶靜... 店內裝潢較為簡約, 大約有30個座位左右, 洗手間設在店外... Bloggers到齊後, 老闆雖然在廚房忙於準備, 亦不忘抽時間與各Bloggers分享飲食心得...


圖文並茂的店方推介菜色, 簡單清晰的點菜紙, 還有濕紙巾讓大家進食前抺抺手, 很衛生...


打頭陣的, 是2客佐酒小吃...

燒雞泡魚干 $46
-- 比一般吃到的較厚身, 烤乾了後鮮味亦提升了, 不用蘸沙律醬吃也可以...

烤獨家超滋味高級吊片魷 $78
-- 韌度及味道接近土魷, 好o趙, 添加了孜然粉及辣椒粉, 對我來說有點過辣...


一眾Bloggers的胃終於給雞泡魚干及吊片魷弄甦醒了, 再來便開始吃蔬菜了...

燒超美味一口甜薯 $22
-- "超美味"一詞絕無誇大!!! 真係超美味呀!!! 外型不討好, 有點不願放入口, 口腔內卻爆發意想不到的美味, 甜、粉、香, 我有時在家中會蒸日本甜薯來吃, 非常甜美, 想不到燒的甜薯更味美...

燒香甜粟米 $18
-- 又係燒粟米咁橋? 小心燒焦呀!!! 哈哈, 無聊對白到此為止... 香甜粟米並無燒焦, 粒粒飽滿, 色澤亮麗, 超甜多汁, Yummy~


燒甜美地捫菠蘿 $18
-- 有食友聽到地捫2字, 聯想到罐頭菠蘿, 很驚訝... 哈哈... 我經常在果店見到貼著地捫貼紙的原個菠蘿呢!!! 燒菠蘿是我的至愛, 略燒後酸度減輕, 甜度增加, 咬下時果汁四濺, 感覺很棒... 如若可在燒好後起肉才上碟就更讚... (懶人包發作)

惹味醬燒金菇 $28
-- 以錫紙包裹金菇與沙爹醬同烤, 味道出奇地夾, 打開時熱騰騰的水蒸氣不斷湧出, 小心你的相機呀...


惹味蒜蓉生燒茄子 $29
-- 原條茄子開邊, 造型趣緻, 塗上沙爹醬及灑上蒜蓉, 燒熟後表面金黃, 香口惹味, 茄子肉好柔軟, 但皮有點硬, 只好不吃皮了... 我分配到的一角很多辣椒粒, 好辣, 要狂飲王老吉...

燒韮菜 $14
-- 第一次見到以竹籤串起的韮菜, 很新奇... 韮菜有點硬, 我牙力一向麻麻, 較難咬開... 添加了足料的孜然粉及辣椒粉, 對我來說是有點辣...

燒鮮冬菇 $13
-- 有一點點濕, 若再燒得乾身一點, 必定更香口...

燒清新鮮露筍 $22
-- BB露筍新鮮, 色澤翠綠, 個人認為原汁原味的露筍是人間極品, 本身味道較淡, 孜然粉及辣椒粉可免則免...


皇牌燒牛舌 $28
-- 牛舌向來唔係我杯茶, 但出得來食, 預咗要食... 吃了一片小的, 肉質相當軟腍... 孜然粉及辣椒粉再度登場...

必食火炙海膽墨魚串 $36
-- 請注意, "必食火炙海膽墨魚串"係佢個全名... 為了質數, 店主選用了成半貴4倍的墨魚, 入口新鮮彈牙... 將海膽塗在墨魚上面燒, 顏色奪目, 令墨魚鮮上加甘...

燒加拿大牛肋條串(無骨) $20
-- 我不幸拿到的是肋, 老人家冇牙力咬唔開, 想再取多1件時, 同枱的Bloggers以光速吃清光... 睇見佢地食得好滋味個樣, 唔使點咬就吞, 真係流晒口水呀我...


芝士煙肉通心粉釀蟹蓋 $33
-- WoW... 粉紅色的蟹蓋好可愛呀!!! 將芝士煙肉白汁通心粉釀入蟹蓋內, 唔使叫小朋友都會爭住食, 大朋友可以輕輕鬆鬆幾分鐘了...

蒜蓉燒扇貝 $42
-- 嘩!!! 蒜蓉多到將扇貝淹沒, 勁!!! 蒜蓉係扇貝的Best Friend, 香口之餘, 不會掩蓋扇貝的鮮味... 扇貝橙色的部分是肝, 中醫角度就唔食, 日本人角度是珍品, 食唔食隨自己喜好...


必食芝士蒜蓉燒生蠔 $52
-- 我基本上甚少吃蠔, 但眼見鋪在生蠔上的芝士燒得霹靂啪啦, 非常誘人, 忍不住口吃了一件, 芝士拉出一絲絲連綿的芝士絲, 味道不太濃, 沒有掩蓋蠔的味道, 不錯...

沙茶醬燒深海大墨魚咀串 $27
-- 墨魚咀鮮味有咬口, 慢慢咀嚼, 鮮味持續滲出, 醬汁甜甜的, Yummy...


燒鮮味海蜆 $44
-- 可選蒜蓉或海鹽, 以錫紙包裹來燒, 將鮮味封存, 原汁原味, 蒜蓉非常美味, 吃罷所有海蜆後, 我與另一Blogger仍不停夾起蒜蓉送入口, 場面搞笑... 我因為腸胃受不了, 絕少食蜆... 冒險試了一粒, 蜆肉鮮味飽滿無沙, 幾好味, 忍不了口又多吃一粒...

燒一口午餐肉 $16
-- 午餐肉?!! 實在有點驚訝, 沒想到午餐肉可以串燒, 今日大鄉里出城, 大開眼界!!! 午餐肉的皮烤至香脆, 我一向不太吃午餐肉, 試了一小口, 略鹹了一點, 伴啤酒較適合...

秘制醬燒雞中翼 $36
-- 秘制醬加孜然粉及辣椒粉, 燒得香口, 同意同場Blogger講法, 燒雞翼, 好難唔好食...


安安爆爽豬頸肉 $36
-- 豬頸肉較為乾身, 灑上孜然粉及辣椒粉提味...

燒美味廚師腸 $10
-- 噢!!! Long Time No 燒, My Friend!!! 好有小學秋季旅行的感覺, 童年的回憶不斷湧上心頭, 想尋回「那些年」的你, 值得一試...

安安首創果JAM釀牛丸 $26
-- 噢!!! 莫非你係... 爆漿瀨尿牛丸個孖生細佬, 爆JAM士(多)啤(梨)牛丸?!! 都講過今日係大鄉里出城大開眼界之日, 的確有趣~ 有Blogger即席建議如可自選JAM味更有趣~ 牛丸都幾彈牙, 配勁甜的士多啤梨味果JAM, 口味比較特別, 唔知我D姪仔姪女會唔會鐘意食呢...


頂級鹽燒多春魚 $30
-- 好味!!! 好多春!!! 好香口, 無腥味, 睇開我BLOG的BLOG友都應該知道我係唔食魚的, 今日我食魚唔𦧲骨, 連頭連尾吞落肚, 算係一大突破...

燒鮮味海螺串 $30
-- 初時望到個樣擔心好難咬碎, 原來都OK喎, 好彈牙, 一路咬螺味一路慢慢滲出, 都幾鮮味...

極品烤餃子釀雞中翼 $30
-- 我個隻雞翼太好肉地, 餃子餡不多, 同枱Blogger的雞翼勁多餃子餡, 好羨慕... 烤雞翼好惹味...

 

甜蜜脆脆燒 棉花糖夾餅 $12
-- 平時BBQ燒大粒棉花糖係指定動作, 估唔到用梳打餅夾住來食又幾夾喎, 外脆內軟, 又唔怕比棉花糖黐到成隻手都係, 好有創意呀!!!

芝麻雪糕 配脆脆雪糕筒 $26
香芋雪糕 配脆脆雪糕筒 $26
-- 雪糕球好大呀!!! 睇到我雙眼都發晒光!!! 不過腸胃唔聽使, 唯有暫時忍口...