close

4 May 2011, Wednesday

好耐之前去 「中意仿 Borgo C」食過黑醋蕃茄茄子, 好好味, 一直想試下自己整, 經過唔知幾多年之後, 忽然的起心肝上網搵食譜, 竟然都比我搵到, 好o野!!!

早2日整過一次, 今日再整就正常好多, 但係可以更更更好... 始終... 廚藝都係需要經過日子嘅磨練先可以成功嘅...

豉汁蒸排骨呢D家家戶戶都食到嫌嘅家常菜, 都我o黎講都係一個需要勇氣去跨過嘅山峰... 今日... 輕易成功, 好好味, YEAH!!!

呢個蒸白飯剩係睇樣都覺得硬, 同埋份量預錯咗, 蒸完得好小, 比人睇到唔知嘅話可能以為我地經濟方面出現問題添, 哈哈...

今日踏出咗人生重要嘅一步, 希望我D熱度唔好又維持得3分鐘咁小啦~

P.S. 極需要添置一大堆煮食用具, 一學人煮飯竟發現個廚房D用具好唔掂, 要咩冇咩!!!

arrow
arrow
    全站熱搜

    kenmerry 拉姑 發表在 痞客邦 留言(10) 人氣()

    E-mail轉寄