Ken & Merry 為食男女，遊走世界!!!

10 July 2011, Sunday

咁大個人第一次去學整Miniature (1:12袖珍藝術手工藝創作), 原來整Miniature要買好多工具同材料o架, 仲吓吓都要日本貨, 好鬼貴呀!!! 真係買都買到怕...

上咗3堂, 就已經完成咗朱古力店鋪!!! 8款朱古力, 每款要做成50粒, 做到腰骨痛+五十肩... 原來玩Miniature係好好好辛苦o架!!!

仲有7堂... 個糖果店舖有成十幾款糖果, 仲要每款要做成100粒... 真係唔知點死...

最辛苦嘅過程係界膠片... 我為咗環保D, 拎咗D舊CD盒o黎界... 一o黎CD盒厚D, 要界耐D... 二o黎CD盒有4個邊要界走咗先, 而且Size有限, 變相比界膠片要界多幾倍嘅功夫... 真係自討苦吃...

界完膠片再界木, 即時覺得好輕鬆... 呢幾粒朱古力係自創款式, 唔係跟Miss學o架~

個木盒仲未買到模型油油, 等我油好咗再Upload過張相比大家睇...

同埋仲未整個磅, 都唔知Miss會唔會教... 可能要自由發揮都未定...