目前分類:中式。粵菜 (44)

瀏覽方式: 標題列表 簡短摘要
1 January 2013, Tuesday
香格里拉 (Shangri-La) 一詞源於藏語, 意為「心中的日月」, 被喻為世外桃源...

新的一年, 新的開始... 我的2013, 第一樣要做的事, 仍然離唔開食食食, 嘩咔咔咔...

試過金鐘的夏宮, 未有任何驚喜, 見到求學時期的好朋友, 經常都到香宮開餐, 真係咁好味?!! 趁今日係1月1日, 來食餐開年飯.. 


餐廳內的裝潢金碧輝煌, 古色古香, 樓底特高, 枱與枱之間有一定距離, 置身其中, 舒適呷意...

甫坐下, 服務員送上Welcome Drink... 荔枝釭茶!!! 茶色紅褐, 香氣濃郁, 荔枝的香甜味充斥整個口腔, 茶味甘醇, 太美味啦!!! 可惜每人只有1小杯, 飲罷才醒起未有拍照, 唯有加一點綠茶到杯內, 補拍照片, 哈哈... 顏色是比較淺了一些...

kenmerry 拉姑 發表在 痞客邦 留言(0) 人氣()

6 October 2012, Saturday

第2次前來九龍灣的鍾菜, 地點很隔涉, 假日的晚上走到這條街道上靜得可怕, 與相隔2條街的Megabox人生人海景象相距十萬八千里...

門面的確是相當光鮮, 約人來吃飯也不會覺得失禮, 可惜我個人比較著重食物味道, 我常會想, 與其做那麼多門面功夫, 不如在食物味道上下點功夫吧...


今天晚上還要坐在開放式廚房, 客戶的嘈吵聲, 加上廚房的煲氣聲, 絕對是嘈音污染!!! 無法無對著坐的朋友傾談, 只能與坐在身邊的朋友說話...
先來2客前菜...

麻辣貢菜豬耳 -- 少麻不辣, 咬落爽口, 嚐辣吃到很不爽...


麻辣口水雞 -- 少麻少辣, 雞肉沒有雞味, 肉質未算幼嫩, 但亦不至太乾...

kenmerry 拉姑 發表在 痞客邦 留言(0) 人氣()

23 June 2012, Saturday

1月尾o黎「住家菜」食過1次, 覺得好味又抵食, 所以介紹屋企人今晚o黎試吓...

Book位時問職員拎套餐餐單睇定先, 點知... 原來剩係做冬同過年先會供應套餐!!! 平時係得散叫o架咋!!! 最後預訂咗「招牌阿嫲雞」同「南瓜排骨盅」...

Book 7:00pm, 職員話晚餐時段分開做6:30-8:30pm同埋8:30-10:30pm, 好強調8:30pm一定要還枱!!! 唉... 8:30pm又太夜, 6:30pm又太早, 最後迫住揀6:30pm, 好彩全部屋企人都神奇地6:30pm到達...

我6:00pm就到咗, 劃定晒餸, 好等大家一到埗檢視一下就即刻可以落單, 一人齊就有得食...

先o黎2煲住家老火湯, 最嘴刃嘅都讚個湯冇落味精, 好好味...

招牌阿嫲雞(1隻) -- 依然美味, 份量十足, 好快清晒...


kenmerry 拉姑 發表在 痞客邦 留言(1) 人氣()

8 May 2011, Sunday

上星期已經同媽打預先慶祝咗母親節, 奶奶果邊又未齊人, 要下星期先可以慶祝... 所以... 我地今日係兩支冷好似平時咁過日子... 之但係... 咁大嘅日子, 同人爭位食飯??? 邊夠人爭呀!!! 好彩... 尋晚路過西苑, 順個便問一問今朝仲有冇得BOOK位... 噢... 竟然仲有, GOOD!!!


今朝晨咁早起身搭車去工聯會報名... 頂... 原來下個星期日先係報名日... "火羅"到爆!!!


晨早行完個大運, 實在仲太早, 搭車返歸睇多陣電視先再落西苑... BOOK咗10:30, 10:45先去到西苑, 門口勁多人等緊位, 我入到去, 個口都未打開, 已經可以有枱直入喇!!! HONEY問"你幾時變咗做VIP???"... 呵呵呵... 我自己都唔知喎!!!


平時12點前埋單"頂大中小"點一律"小"點計, 我地諗住今日母親節喎, 咁大日子, 大把客等住比錢佢賺, 點使做呢個優惠呀!!! 埋單時睇一睇, 嘩, 竟然依然好似平日咁, 12點前埋單"頂大中小"點一律"小"點計, 童叟無欺, 筍呀!!!


XO醬炒年糕--必吃!!! 惹味之選!!!


韮菜餃--好味!!!

kenmerry 拉姑 發表在 痞客邦 留言(0) 人氣()

6 May 2011, Friday

Honey發現公司附近新開嘅富嘉閣D午市商務套餐好抵食, 所以今日叫埋我一齊去試下...

個餐有靚湯, 有時蔬, 有白飯, 有水果, 每人可以揀一個主菜(有成36個主菜, 食足1個月都唔會悶), 仲要免茶位...

靚湯--唔錯, 唔錯...


豉抽浸雞--嘩, 好大碟喎!!! 味道唔錯...


豉汁涼瓜炒肉筋--落單時要求炒得淋D, 結果真係夠淋, VERY GOOD!!! 侍應上菜時仲話唔夠淋的話, 可以再叫廚房炒淋D, SERVICE一流!!!

kenmerry 拉姑 發表在 痞客邦 留言(1) 人氣()

30 April 2011, Saturday

下星期日就係母親節, 我兩個英明嘅家姐一早就話提早D食飯慶祝, 唔使"迫餐死 + 勞餐死 + 趕餐死 + 貴餐死", 真係幾十年都唔覺佢地咁有頭腦, 哈哈...


乳豬(半隻)--雖然點睇都冇半隻, 不過主角"媽大人"大讚D皮好脆", 咁... 都值得嘅!!! 仲要隻豬又唔肥, 兼且有D肉食下, 仲幾好味添... 唔嫌呢十一片乳豬要二佰幾蚊嘅, 絕對可以一試~


沙薑雞(半隻)--都係果句, 點睇都冇半隻, 不過今晚個個心情大靚, 竟然冇人生事, 嘿... 真神奇!!! 隻雞味道都OK嘅~


炭燒片皮鴨--第一次見片皮鴨上埋對鴨脾, 抵讚!!! D鴨皮一D都唔肥, GOOD!!!


kenmerry 拉姑 發表在 痞客邦 留言(1) 人氣()

23 April 2011, Saturday

Easter假期本應喪玩喪食冇黐家, 可惜病足十幾日, 今朝仲要睇多一次醫生, 真係邊樹都唔使去!!! >~<


近近地, 去西苑飲茶消消氣!!! (睇醫生睇到一肚氣)


原來12點前埋單"頂大中小"點一律"小"點計, 所以忽然好多人埋單, 令到我地可以好快有位...


XO醬炒年糕 -- 好辣呀!!! 不過XO醬炒年糕係要咁先好味, 最怕有D茶樓係炒年糕同XO醬分開上...


黃沙豬膶燒賣 -- 必食!!! 好味!!! 一定唔係工場貨色, 因為粒粒嘅形狀都唔同...


kenmerry 拉姑 發表在 痞客邦 留言(2) 人氣()


18 February 2011, Thursday (年十六)


尋晚食咗餐好難食嘅晚餐(鏞記酒家 Yung Kee Restaurant), 今晚要食好D先得啦!!!


西苑... 永遠都係我地心目中嘅米芝蓮食肆!!!


是日靚湯(蘋果豬月展湯)--YUMMY!!! 簡簡單單, 只要有HEART, 咩菜餚都可以好好味...


燒鵝下庄--肉淋, 皮小小脆, 最重要嘅係... 暖暖地!!! 呢D先至係有HEART!!! 查實西苑最出名嘅係大哥叉燒, 幫襯咗十幾年, 今日好似第一次食燒鵝... HONEY專登ORDER黎比較下...


kenmerry 拉姑 發表在 痞客邦 留言(0) 人氣()

1 February 2011, Tuesday


停BLOG一週, 皆因病咗成個禮拜... 所有同過年有關嘅準備功夫, 一切仍然維持係零...


到咗年廿九, 請咗半日假大掃除... 開工前, 當然要餵飽自己先啦...


呢間八月芳, 開業至今, 一直FULL BOOKING, 我地呢D玩即興嘅人, 次次都掃興而回... 今日都唔例外... 不過佢話12:30PM前還到枱比佢嘅話, 就比我地入去... 入座後... 越坐越後悔入咗去...


全間餐廳得一張2人枱, 係TOILET門口條通道加開嘅... D侍應不停拖D櫈出黎, 叠高十幾張, 每次都響我地'後腦怎'CHOK到搖搖晃晃, 因為係地鎛地拉上地毯中間有條鋼條, 前前後後搬咗幾次, 每次都睇到驚心動魄, 好驚比佢'擇'死...


全間餐廳得2枱客, 十幾廿個侍應, 揮晒手都冇人幫你落單, 幾經辛苦攔住一個服務員, 問佢有冇商務套餐嘅MENU, 佢把金口好矜貴, 開都唔開, 指住張6人/12人賀年餐牌就走咗去, 我地得2個人咋, 點食呀???


餐具睇落好正, 可惜筷子D金屬好'界'手, NO GOOD...

kenmerry 拉姑 發表在 痞客邦 留言(0) 人氣()

11 December 2010, Saturday


Honey有時會去理工大學CANTEEN食飯, 佢話有間南北小廚好抵食, 成日叫我去試下...


餐湯--OK...


松子魚--坦白講, 冇咩肉, 同埋... 唔好味囉... 不過, 以咁嘅價錢可以食魚, 的確係抵到冇人有...


蜜糖豆炒牛柳絲--味道都OK喎, 份量都唔算細...

kenmerry 拉姑 發表在 痞客邦 留言(0) 人氣()

2 January 2010, Sunday


今日原本想行山, 不過臨出門口都係覺得太凍, 即時改軚去飲茶同睇戲...

週圍都勁多人等位, 鍾菜算係小D人, 但都要等成粒鐘...

安蝦咸水角--中規中矩...


排骨陳村粉--好味呀!!! 仲唔油, GOOD!!!


kenmerry 拉姑 發表在 痞客邦 留言(0) 人氣()

20 December 2010, Monday  

之前少林食神帶我地去完桃花源小廚 Tim's KitchenOlala搵食之後, 真係食過番尋味... 今次佢再邀請我地一齊去連續三年都係《米芝蓮指南》(Michelin Guide)上榜嘅富豪飯堂「福臨門」進膳...


照舊係由佢係唔使睇餐牌嘅情況下落Order, 由於佢係熟客, 所以都好好Service... 仲開咗壺私家茶--紫茶(95年嘅生普洱)--比我地品嚐, 真係幾好飲, 唔似平時D普洱咁黑蚊蚊...


餐廳內裝修簡潔鮮明, 好過灣仔分店好多, 起碼感覺上都乾淨D...


酸薑皮蛋--D酸薑好好味呀!!! 唔辣又冇根, 要用5-6月份嘅子薑先可以做到咁嘅效果, 聽講剩係供應比佢、鏞記酒家、大班樓... 皮蛋好好味, 冇皮蛋果D怪味, 我平時唔鐘意食皮蛋, 今晚都食到唔停得口...


椒鹽田雞脾--好好好味呀!!! 比平時食到嘅多肉好多, D肉又嫩, D骨仲好細, 上枱熱辣辣, 好正呀!!!


kenmerry 拉姑 發表在 痞客邦 留言(0) 人氣()

10 December 2010, Friday


今日原本想同Honey去試下連續兩年榮獲米芝蓮三星評級嘅龍景軒(@四季酒店), 可惜, 同舊年一樣, FULL HOUSE!!!


唯有轉戰2009年榮獲米芝蓮二星評級嘅夏宮(@港島香格里拉酒店), 2010年已經跌番落一星...


臨近聖誕, 到處都係聖誕樹...


餐廳內嘅裝修古色古香...


脆皮燒腩仔--Honey Repeat咗幾次"嗯, 有D功力"... 個皮都真係幾脆, D肉又軟又Juicy, 全餐焦點所在!!!

kenmerry 拉姑 發表在 痞客邦 留言(1) 人氣()

28 November 2010, Sunday


行完山, 一行人去咗打邊爐, $138 任飲任食 (平日好似$98) , 將今日消耗咗嘅卡路里一劑補充返晒啦, 嘩咔咔咔...



(任攞) 啤酒--韓國hite & 燕京party啤;汽水--枝裝可口可樂, 忌廉, 雪碧;重有凍冬瓜茶、夏枯草同芒果茶... 全部自己攞, 我好似飲咗4-5支汽水, 呵呵呵呵...


(任攞) 混醬--醬料都係自己攞, 有十款以上...


食物款式唔算特別, 但勝在質數都OK, 可以暢飲暢食2個半小時...


環境同星期六嘅大閘蟹宴比較, 實在太大分別, D枱擺得唔會太迫, 厠所又乾淨, 最奇係, 坐滿人, 但你唔會覺得嘈, 仲幾靜下, 因為電視嘅對白我地離遠都聽得好清楚...


kenmerry 拉姑 發表在 痞客邦 留言(0) 人氣()

27 November 2010, Saturday


十一月之星壽宴假座於旺角富臨, 眾人踴躍參與, 8大3小, 聚首一堂...


痕身卡有大閘蟹套餐$888(6位用)... 不過侍應不斷命令我地食$2588嘅12人餐, 邊食得晒呀... 之後又命令我地食盤菜, 同佢講幾十次唔食, 佢都當聽唔到, 不停REPEAT... 當然最後佢都唔會成功...


我地ORDER咗痕身卡大閘蟹6位套餐, 又驚佢D餐嘅餸好細碟, 又再加3個餸... 結果係勁大碟, 差D食唔晒...


薑汁酒芥蘭--好味, 不過份量太小...


腊味炒菠菜--腊味完全冇味...

kenmerry 拉姑 發表在 痞客邦 留言(2) 人氣()

19 November 2010, Friday


每次去Crabtree掃貨都要排超過1小時換小熊, 迫下迫下咁買o野, 排隊比完錢都冇咗2小時...


所以我去Crabtree時, 叫咗Honey去隔2個鋪位嘅西苑叫煲湯嘆住等我...


點知今日Crabtree完全冇人排隊, 我勁快就搞掂晒...


今日我地除咗飲湯同食芥蘭炒腊味, 仲試咗之前未食過嘅「蝦醬三層骨 」... 嘩... 原來好多肥膏o架... 不過又好好味, 仲要食落口唔覺油膩, 張吸油紙一D油都冇, 仲有好香嘅蝦醬味, 好好味呀...


慘啦, 我以前一食到肥肉就急不及待吐番出o黎, 我而家竟然全部吞晒落肚, 我嘅減肥大計泡湯啦...


是次每人消費約$190元

kenmerry 拉姑 發表在 痞客邦 留言(2) 人氣()

27 October 2010, Wednesday


今日溫度急降, 我加咗風褸都仲覺得凍, 放工時Honey建議去西苑飲湯食羊腩煲... WoW... 好呀好呀~


我地平時去西苑會叫1湯2餸, 不過羊腩煲太足料, 所以加個唐生菜就已經好足夠... 2個人好努力咁食, 食咗2個鐘都食唔晒, 好滿足呀~


夜晚瞓教仲成身暖粒粒, 好舒服呀~


西苑雖然只係「2009年米芝蓮指南」嘅「一星食肆」, 2010年更已被除星, 但係佢係我地心目中, 永遠都係最美味嘅飯堂, 每個月總要黎食下先安樂, 呵呵~


前幾日「2010年CNNGo 最佳美食評選」仲見到佢榮獲「香港最佳湯羹」榮譽, 呢樣我又覺得佢實至名歸喎, 因為我地都係為咗飲湯而去... 尋晚就飲咗好好味嘅白果豬肚湯...


是次每人消費約$170元

kenmerry 拉姑 發表在 痞客邦 留言(4) 人氣()

25 October 2010, Sunday


早幾日見到「2010年CNNGo 最佳美食評選」嘅報導, 朗豪酒店嘅明閣榮獲「香港最佳米飯」榮譽, 佢仲係「2010年米芝蓮指南」嘅「二星食肆」, 我同Honey急不及待要去試試...


「一掃全景」 (Intelligent Sweep Panorama Mode)


環境一流, 裝璜很有心思...


龍井好似冇咩味...

kenmerry 拉姑 發表在 痞客邦 留言(1) 人氣()

26 July 2010, Monday


見到有條魚, 係咪以為去錯BLOG呢...


放心, 冇去錯!!! 只係太多人同我地講, 人大咗之後, 就只係可以食魚同菜, 食唔到咁多肉o架啦喎... 道理我地明, 只係哽唔落... 唯有頂硬上, 練習下...


清蒸咩斑--上枱即食都OK新鮮嘅, 可以食得落... 食到尾聲, D豉油開始腥, 一路食一路想嘔... Honey當場肚痛, 我就返到屋企先開始痛, 都唔知係心理影響定食物質數問題...


梅菜蒸芥蘭--次次去都會叫呢一味, 因為係菜, 仲要冇咩油, 同埋我鐘意用梅菜撈飯... 值得一讚嘅係, 佢每條菜都批咗頭頂最硬嘅皮, 食得冇咁辛苦...


kenmerry 拉姑 發表在 痞客邦 留言(2) 人氣()

25 July 2010, Sunday


去完U HALL就返番數碼港醫肚...


一行入去就有位, 現場好寧靜, 環境都唔錯, 水晶燈唔小得, 張櫈仲超舒服, 讚...


酥皮蛋撻仔--一坐低都未有點心紙睇就比阿嬸硬銷咗... 嘩, 一睇點心紙, 原來係特點o黎o架, 成36蚊, 仲要唔係特別好味, 嘔血... 即時勁掛住又平又好味嘅泰昌蛋撻...


菜乾豬骨粥--好一般...

kenmerry 拉姑 發表在 痞客邦 留言(0) 人氣()

1 23