目前分類:中式。滬菜 (15)

瀏覽方式: 標題列表 簡短摘要
14 October 2014, Tuesday

秋風起, 蟹膏肥!!!

踏入秋季, 天氣開始轉涼, 躲在衣櫃裡的外套係時候出籠啦~~~

秋天最令人期待的, 比秋裝出籠更要令人興奮的, 對於一眾大閘蟹迷來講, 應該係大閘蟹出籠吧!!!

唔係睇展覽唔係去Conference唔係睇煙花唔係去聽演唱會, 齋去會展食晚飯, 好似係第一次, 感覺都幾新穎, 點解以前無諗過嘅呢...


新滬坊「時令極品蟹宴」選用特別肥美的江蘇大閘蟹, 蟹膏幼滑甘香... 落入擁有25年豐富入廚經驗的總廚干曙光師傅手上, 變出多款美輪美奐的精緻上海菜... 很想試吧?!! 嘻嘻, 暫定減肥計劃... 1日咁多啦~~~



kenmerry 拉姑 發表在 痞客邦 留言(2) 人氣()

31 May 2014, Saturday

紅色假期, 瞓醒見到藍天白雲, 機不可失, 一定要出街街...

想睇戲, 無買飛, 張Gift Voucher係港島區又只可以去IFC / Pacific Place / Cyberport, 點睇IFC同Pacific Place都應該唔會有咩好位剩, 加上唔想睇3D, Cyberport真係不二之選...

坐小巴入到Cyberport, 仲買到最尾果行中央位置, 正!!!

趁仲有小小時間剩, 去食個Early Lunch先~~~

Honey推介上海菜...



原來上海菜不經不覺已經姬子化... Cyberport內有最少3間姬子XX食肆...

kenmerry 拉姑 發表在 痞客邦 留言(0) 人氣()

3 April 2014, Thursday

我的第1篇將軍澳食評出爐喇!!!

查實... 我應該都係第1次係將軍澳食飯...

再查實... 我都係第3次入來將軍澳咋, 簡直超級大鄉里出城Feel, Wakakaka...

3次都係同Honey來將軍澳的, 每次的主題都截然不同... 第1次, 睇樓!!! 又好似東港城, 又好似新寶城, 我都唔係好記得, 可能1次過睇2邊, 1邊實景1邊樓花... 第2次, 親友新居入伙House Warming... 第3次... 欲知後事如何, 請看下回分解...

係東港城辦完正經事, 當然順便搵食啦... 外面落雨濕濕, 我地又人生路不熟, 順理成章係東港城食埋...

事前上開餐網做咗少少調查, 呢間上海婆婆336雖然排名唔高, 但裝修幾骨子... 係... 我係鍾意食裝修...


kenmerry 拉姑 發表在 痞客邦 留言(8) 人氣()

10 December 2010, Friday


上次食完位於電氣街嘅Olala之後, 心郁郁想試下Olala旗下嘅「一碗麵」, 兼且之前太古之友都激讚, 所以就算1碗麵要$150蚊真係好貴, 都決定一試, 死就死啦...


5點幾去到, 熄晒燈, 咩人都冇, 所以以為佢未開, 走咗去合和飲杯Starbuck Green Tea Frappuccino, 順手上網查咗佢個電話, 打去問下幾點開... 對方嘅態度比20蚊一碗麵嘅茶餐廳更惡劣, 未問完仲CUP我線... 原來佢地係長開, 冇落場時間, 只係當時一個客都冇...



呢個「一掃全景」嘅景象, KEEP到我地埋單都係一樣, 全吉!!!


kenmerry 拉姑 發表在 痞客邦 留言(3) 人氣()

17 August 2010, Tuesday


放工後行到太古坊時, 突然勁大雨, 倒水咁, 有2把遮都攪唔掂... 原定去王家沙嘅計劃要取消, 轉移去最近而又唔使淋雨嘅餐廳...


自從翡翠拉麵小籠包執咗之後, 新開呢間上海菜只食過一次, 原因係價錢貴咗+坐位迫咗+味道差咗...


今日太早入去, 6點鬆D, 所以仲有卡位, 原先被安排坐果D迫過快餐店嘅枱, 係我堅持要坐卡位嘅情況下, 竟然真係比我成功咗...


而家仲推出咗$148二人餐, 有頭盆(6選1), 有靚湯(2選1), 有點心(6選1), 有小菜(16選1)...


雞絲粉皮--味道OK!!!


雲吞雞湯--味道OK!!!

kenmerry 拉姑 發表在 痞客邦 留言(0) 人氣()

24 August 2009, Monday

追完一篇Blog又一篇Blog, 氣都咳... 完成歐洲之旅, 食埋老豆餐生日飯, 隨即又到長頸鹿嘅生日飯... 今次暈妮高度重視, 竟然要請假出席, 實在嚇大家一跳...

醉鴿--一隻鴿可以切開咁多片, 果真鬼斧神工, 嘆為觀止... 味道方面... 當然Yummy啦...


招牌小籠包--都OK, 唔使比人拆招牌, 哈哈...


松子魚(半條)--賣飛佛... 又一神奇之作... 點解半條魚都可以整到咁大碟嘅呢...

kenmerry 拉姑 發表在 痞客邦 留言(0) 人氣()

星期六(2009年6月27日)去咗尖沙咀幫honey影相, 之後沿星光大道, 行咗去尖東搵食, 咁上次拉力早食過小南國好好味, 所以我提議honey去試下...


查實小南國係我地嘅"飛佛", 由佢係銅鑼灣糖街開"小南國狀元樓", 之後係銅鑼灣廣場附近開"小南國", 我地都有去試...



招牌小籠包--還是覺得翡翠好D... honey話"D皮好厚, 唔好食"...


糖醋小排骨--甜甜酸酸, 啱晒夏天食, 拉姑推介!!!

kenmerry 拉姑 發表在 痞客邦 留言(0) 人氣()

星期日(2009年4月19日)約好拉力早敍餐, 搵地方嘅先決條件係... 要中午時間唔使搵位之餘, 兼可以任坐唔嬲冇人趕你走, 仲要靜靜地方便傾計, 價錢又要中等, 食物質數又要有番咁上下, 地點又要唔好太僻... 咁難搵嘅地方... 竟然係灣仔出現...


醉雞--好奇怪, 好有雞味, 但酒味小得緊要, 自己o係屋企用李X記醉雞汁整雞翼d味都濃過佢好多, 好彩冇貪心叫半隻啫(半隻要成150蚊o架)...


雞絲粉皮--OK, 粉皮大大片, 有d酒樓切到青瓜絲咁好難夾... 醬汁好夠, 食到尾都仲有好多醬汁, 有d酒樓食到一半已經冇晒汁要齋食...


小籠包--不過不失, 尚算皮薄...


上海粗炒--合格...

kenmerry 拉姑 發表在 痞客邦 留言(0) 人氣()

尋晚(2009年2月6日)趁honey返學, 幫拉力早攪咗餐開年飯, 又唔知要食到幾點啦喂... KeKe...


原本想去鼎泰豐, 但係一諗起冇得訂位, 仲要人齊先準入, 打沉晒...



心太軟 : 去核紅棗夾住軟綿綿嘅糯米, 好味呀, 貪佢紅噹噹, 當賀年菜食都得!!!
糖醋排骨 : 都好惹味, 甜甜的, 唔錯唔錯, 個Look都好得!!!

kenmerry 拉姑 發表在 痞客邦 留言(1) 人氣()

上個星期三破天荒做家務, 由7點幾做到11點幾, 真係做到隻手都就o黎甩骹...


跟住星期四個日Honey即刻買咗隻新電話比我吖... 500萬像素蔡司鏡頭+Xenon閃光燈+GPS... 第時出街食飯唔使再拎相機Lu... Yeah!!! 之但係粒電第一次叉要叉成12粒鐘, 所以個晚同肉酸&King佢地食飯個陣就冇得拎出黎玩Lu...



上星期五(2008年9月26日)一叉足電... 即刻出動!!! 訂位果陣我要求卡位, 都唸住未必有, 點知去到真係有, 正到暈... 趁其他人未到, 試下機先...



餐牌入面樣樣都咁吸引, 點揀好呢... 就叫4人餐啦, 樣樣都有!!!


kenmerry 拉姑 發表在 痞客邦 留言(4) 人氣()

裝修咗幾個月嘅王家沙, 今個月終於開番...

 

天花加咗具有中國特色嘅木飾...


碗櫃都係...


查實大枱嘅吊燈先恐怖, 係將好多茶壺貼咗係上面... 如果食食下o野跌咗落o黎... =.=

kenmerry 拉姑 發表在 痞客邦 留言(1) 人氣()

今晚(2008年5月28日)一交收完部Canon相機, 就即刻飛去尖沙咀幫KaKaMa賀壽... 由於呢間餐要人齊先準入, 所以唔可以遲到!!! 好彩交收順利, 我仲可以早20分鐘到達!!!

 

一去到見到拍緊o野... 睇真D... 原來係拍緊「 蔡瀾歎名菜」 呀, 上個星期日先做第一集喳... 呀... 我係蔡San嘅Fans o黎o架!!!
 


之後拍到出門口...


kenmerry 拉姑 發表在 痞客邦 留言(4) 人氣()

上星期四(2007年8月23號)晚放工去王家沙食晚飯, 照平常咁叫菜,過左廿幾分鐘乜都冇得食(平常好快上菜),發脾氣後5分鐘先有個--
排骨抄年糕:一食已經覺得走咗樣,排骨變咗猪排...

之後再上個--
失傳醬咕嚕肉:嘩,離晒譜,一睇個樣已經唔對路,街邊大排檔貨色,連造型同配料都變晒!食落去仲慘,d肉得2mm咁薄,全部都係麵粉,鬼斧神工!個醬仲離譜,變咗街邊貨色(仲差過街邊貨色),我地懷疑個廚走咗,個"失傳醬"都失傳埋...

隔咗好耐,個蕃茄莧菜都未有影,我地懷疑個廚走咗,其他人唔識整,所以咁耐都上唔倒菜!之後黎咗,一睇個樣已經知道唔係以前個味蕃茄莧菜!一食落去,個廚d功夫現晒形...


埋單時,同經理講:"個廚係咪轉咗,今晚d野好難食",佢竟然唔理我,走到出門口先同空氣講:"有乜唔同,咪又係個d野"!哈,呢d係咩野"待客之道",請大家自己係心裡面評下理!!!

kenmerry 拉姑 發表在 痞客邦 留言(1) 人氣()

尋晚(2007年5月8日)原本想去游水, 不過因為一早去咗同客開會, 兩點幾先食lunch, 跟住趕埋d手尾... 已經7點幾, 又倦又餓, 所以決定食d好味嘅晚餐... 唸呢唸去, 最後都係去番其中一個飯堂開餐...


我地其實好懶唸食乜o架, 所以都係叫返平時叫開嗰d: -

. 松子桂魚 -- 超好食, 酸酸甜甜--送飯一流, 最正係d松子多到食極都食唔晒呀嘛;
. 蕃茄莧菜 -- 好健康, 又好食, 其他地方又少見;
. 栗子鮮肉粽 -- 時令食品, 咸咗d

食飽飽, 好倦呀...返屋企沖涼瞓教先...

 

kenmerry 拉姑 發表在 痞客邦 留言(4) 人氣()

今日(2006年12月9日)原本打算下午回家後唔再出街,但回家後收到信用卡禮品換領信,忍唔住打咗去禮品換領中心check吓有冇貨,聽到電話錄音話冇貨,再同接線生check吓幾時有貨,點知接線生話今日返咗貨,叫我隨時可以去換領禮品。

等咗咁耐,緊係“那那聲”搭車去換領中心喇!落到銅鑼灣先5:45pm,換領中心收8:00pm,唸下唸下不如食埋晚飯先去換領中心,唔使抽住隻DVD錄影機去食飯咁麻煩。

咁啱路經銅鑼灣廣場,咪不如去睇吓嗰間成日排晒長龍、冇可能入倒去食嘅嗰間小籠包有冇位囉!去到小籠包門口原來未開門,已有人排隊等候,我地唔執輸排埋一份,6:00pm,開始進場喇!第一次嚟,人生路不熟,見個二人餐幾抵食咁,就二人餐喇!


鮮肉小籠包:好味,拍得住翡翠小籠包
脆鱔:超好味,連唔食魚嘅honey都不停口咁食
炒麵:好味,正合我胃口
桂花拉糕:好味,好正,好清香


kenmerry 拉姑 發表在 痞客邦 留言(1) 人氣()