目前分類:美式。西式 (22)

瀏覽方式: 標題列表 簡短摘要
  • Mar 05 Sat 2011 11:17
  • CRUMBS

4 March 2011, Friday

同事L較早前提及有間新開嘅「乳酪雪糕」店, 好多人排隊, 叫我一齊去試食... 今日回暖咗小小, 食完LUNCH就走去昅昅, 真係企到出馬路呀!!!


如果要2種Toppings, 要成32蚊1杯, 都幾貴, 已經可以夠買個Lunch Box食飽飽...


左邊果杯係同事L嘅芒果 Mango, 綠茶糯米糍 Green Tea Mochi, 免費香脆碎 Free House Crumbs...
右邊果杯係我嘅荔枝 Lychee, 綠茶糯米糍 Green Tea Mochi, 免費香脆碎 Free House Crumbs...


綠茶糯米糍係Catalogue個樣係勁吸引嘅, 真身就一D綠茶粉都冇, 亦冇綠茶味...
芒果酸的...
荔枝好甜好Juicy, 同事L話肯定係浸糖水...
香脆碎冇咩味...


kenmerry 拉姑 發表在 痞客邦 留言(0) 人氣()

5 February 2011, Saturday (年初三)


大年初三, 我姐姐有張'百老會'派嘅6折COUPON, 所以一行19人就去咗富豪九龍酒店嘅雅廊咖啡室食下午茶BUFFET...


由於我小病初癒, 所以都唔敢食咁多野...


芝士款式唔多, 味道... 可以啦...


蛋糕選擇不多... 味道... 可以啦...


熱盤都係冇咩選擇, 根據我妹妹嘅忠告, 只有以下幾款先好拎...

kenmerry 拉姑 發表在 痞客邦 留言(1) 人氣()

15 December 2010, Wednesday


一年一度嘅拉力早聖誕"暴肥"終於來臨... 之前一日先啱啱去完澳門食食食, 今日又即刻食暴肥, 真係想唔肥都難... 今年有早兄做東, 食得特別起勁...


張枱對住個景可謂有辣有唔辣... 有維港無敵夜景, 仲加個地盤, D射燈幾乎整盲我對眼...


開頭仲諗, 點解食BUFFET都有簽求... 之後就聯想到係出去拎食物時, 可以放低支簽, 唔使企係外面等...


海鮮不錯, 不過隔離枱之前曾經幫襯嘅客人, 好似勁不滿D生蠔質數差咗好多...

kenmerry 拉姑 發表在 痞客邦 留言(2) 人氣()

20 November 2010, Saturday


自從前年聖誕食咗佢嘅晚餐BUFFET麻麻地之後, 都唔想再去...


不過今次佢做PROMOTION, 6 歲以下小童可免費享用自助餐 (每位成人可攜同一位), 咁鑽媽可以帶埋鑽鑽去, KaKa媽又可以帶埋KaKa去, '蝕D' Bank 信用卡 又有 8 折優惠, 網上預訂自助午餐仲每位客人贈送果汁一杯... 嘩... 好抵啫... 所以十一月之星毫不猶豫就決定去呢度, 當然, 我都唔會反對啦...


我早咗5分鐘到, 班友仔全部遲到...  根據上次係九龍酒店要等足1小時先有得食嘅黑暗經歷, 我今次決定放低JACKET, 帶埋BAG出去拎o野食...


冷盤好新鮮喎... 紐西蘭青口好肥美, 美國青口重海水味, 煙三文魚都好OK...


日式食品就麻麻地... 烏冬好硬, 豆腐冇豆味... 三文魚刺身其貌不揚...

kenmerry 拉姑 發表在 痞客邦 留言(1) 人氣()

22 September 2010, Wednesday


中秋佳節, 好多公司有得收早, 朋友們都準備好放工返屋企做節, 我都唔例外...


就係呢個時候, Marriott的Confirm Booking電話殺到...


事緣我9月初Book咗The Lounge (香港萬豪酒店大堂酒廊) 嘅Tea Buffet, Book9月25號, 8個大人, Book時都再三Confirm佢係由1:00PM食到6:00PM, 接線生都話係...


過幾日我再打去加2個BB座位, 又再重新Confirm我係Book咗1:00PM...


今次打黎Confirm Booking嘅陳小姐, 一打黎就話我Book咗3:30PM...


我即刻好大反應, 我話我Book 1:00PM...


陳小姐 : 當日有Group Lunch, Tea Buffet要3:30PM先開始...

kenmerry 拉姑 發表在 痞客邦 留言(2) 人氣()

6 February 2009, Saturday


今日中午去咗旺角火車站搵食... 都唔記得咗之前係邊個提過想去Applegreen, 不過就一直冇機會去...


入到餐廳, 只係見到一個頭頂, 唔使搵, 呢個一定係力仔... 都成12點幾, 唔早o架啦喎, 點解會冇人o架入面...


我地今次又係之前1晚已上網做定Research, 寫定菜, 一坐低唔使諗, 好快有得食, 哈哈...


 Iced Mocha--都幾滑, 咖啡味唔算好濃, 大大杯, 幾抵飲...



加州棒棒雞沙律(芝麻薑汁)--材料都幾豐富, 味道亦幾清新, 估唔到塊麵包仲幾好食...

kenmerry 拉姑 發表在 痞客邦 留言(1) 人氣()

21 September 2009, Monday

較早前收到DD通知, L’Eclipse推出「生日之星」優惠, 顧客於生日月份內與親友到L’Eclipse用膳, 每一天都可享免費大餐!!! 咁抵??? 我地一眾9月之星緊係要拿拿聲Book位啦!!!

誰不知... 先遣部隊DD食完之後, 叫我地都係轉第二間啦... 嘩... 唔係咁大鑊呀嘛??? 係唔想煩(再搵第二間)同埋驚DD嘴刁嘅情況驅使下, 我都係決定要同Honey去了解下...

一坐低諗都唔使諗, 就隊龍蝦先!!! 澳洲龍蝦、龍蝦蚶、迷你龍蝦仔、波士頓龍蝦... 嗯... 最好食都係波士頓龍蝦, 配紅酒汁好夾(全晚最好, 食多幾隻就值回票價)... 再o黎多一Round先!!! 青口肉好細粒, 食之無癮, 棄之有理!!!



每名顧客可從原隻鮑魚、燕窩薑汁蛋白布甸、煎和牛及比目魚四款主菜中選兩款美食... 網民大比數話燕窩薑汁蛋白布甸最好, 但係食落冇咩特別啫, 至於鮑魚, 真係又細又冇味... 和牛就好軟腍, 味道都唔錯, 但係好細舊囉...

kenmerry 拉姑 發表在 痞客邦 留言(1) 人氣()

 
又到聖誕... 又到聖誕... Wow... 期待已久嘅4傻聖誕敍餐終於來臨... 今年仲有力仔請客, 爽爆...


原本訂咗日航, 之後九龍酒店4點幾先打o黎話有位, 即刻轉陣地...



一人一客嘅焗帶子, 仲以為好矜貴, 味道好一般啫, 仲要個殼都唔係個粒帶子嘅...


kenmerry 拉姑 發表在 痞客邦 留言(0) 人氣()

上星期六(2008年11月22日)係11月之星嘅大日子... 我同貓兄事前去咗灣仔行下建材街先... 個buffet可以由1pm食到6pm, 唔使趕頭趕命, 又大把時間傾計...


一坐低先食一輪冷盤... 三文魚刺身同煙三文魚都唔錯...



之後就攻Organic Food... 估唔到朱古力最好味, 另外當然唔小得我至愛嘅車厘茄配羊奶芝士啦...



再攻杯裝haagen-dazs雪糕... 食多幾杯嘅話真係咩本都返番晒o黎...


kenmerry 拉姑 發表在 痞客邦 留言(7) 人氣()

無敵大個仔啦!!! 佢終於鼓起勇氣, 踏出自由行嘅第一步, 抵讚!!!

 

尋晚(2008年4月2日)拎d旅遊書去尖沙咀比佢, 順便一齊食飯...

 

呢間餐廳好有懷舊feel, 即刻好似返番幾十年前翠華咁, 好親切...

 

æ海皇湯(餐湯連餐麭)--聽無敵講d海鮮又多又新鮮...

kenmerry 拉姑 發表在 痞客邦 留言(2) 人氣()

繼22、24、25、26號嘅幾輪狂食之後, 尋日(2007年12月27日)lunch已經唔多消化, 淨係食咗一碗粥, 因為夜晚仲要... 同幾個細妹(早, 力力, 肉酸)去日航博剎!!!

 

12月5號打電話去週圍book位都full晒, 唔係講緊平個d, 而係半島、洲際、都會海逸個d! 日航更係打咗成日都唔通, 好彩, 係我地放棄之際, 終於比我打通咗, 仲要有位個隻, 嗚嗚嗚嗚... 實在太好彩啦!!!

 

而且仲安排我地坐自成一角嘅圓梳化位, 但又勁近buffet枱, 點影相同傾計都唔會嘈到人啦, 嘻嘻...

 

æ燒大蝦--好好味架;

聖誕甜品--好苦呀, 細個睇醫生d藥水味呀... 朱古力蛋糕--好好味;

kenmerry 拉姑 發表在 痞客邦 留言(3) 人氣()

星期一(2007年11月26日)去咗石燒開餐... 我仲行錯咗去舊址(Cova對面), 大家要注意新址係碼頭隔離...

 

貓頭剛由大板回來, 又要食, 又要講旅程趣事, 都幾忙, 仲要解答KaKaMa同鑽媽嘅問題...我就緊係密密食啦, 呵呵...

 

æ餐麭 : 香草軟麭勁正, 食到唔停得口, 記住, 可Refill...

蝦意粉 : 嘩嘩嘩, 好辣呀, 撥開d辣粉, 嘩嘩嘩, 好咸呀...

餐沙律 : 唔錯...

kenmerry 拉姑 發表在 痞客邦 留言(4) 人氣()


上星期日(2007年9月29日)去完「葛量洪號」滅火輪展覽館, 夜晚去咗久仰大名嘅Tiffin試佢個甜品buffet! 食物款式真係勁多, 環境絕對一流, 仲有隊live band演奏醉人音樂, 二人世界嘅首選!



↓拉姑推介:豆腐花--好滑! 即制冬甩--好多配料架, 值得一試!

↓拉姑推介:低脂蛋糕--好似燉蛋白咁, 好特別! 咖啡朱古力蛋糕--好香呀, 好味呀!
↓拉姑推介:Tiramisu--好味! 南瓜布甸--好清甜, 值得一試!

↓拉姑推介:朱古力雪糕--香濃軟滑, 雪葩都唔錯! 綠茶紅豆蛋糕--好清香, 值得一試!

kenmerry 拉姑 發表在 痞客邦 留言(0) 人氣()

  • Sep 13 Thu 2007 00:21
  • Munch

頭一行就咁影... 第二行kakama幫手打燈... 第三行手機夜拍模式... (呵呵, 我真係傻傻地, 用咗成年先發現自己個手機有夜拍模式)



尋日(2007年9月12日)忽然有食神, 好彩之前做過下功課, 唔使拿手唔成世!

較早前唸住同貓頭 & kakama去munch試下菜, 因為見佢係開飯喇排名高企, 而且下個月就會搬去諾士佛臺(到時一定狂加價)...

lunch後打去book位已經full晒, 唯有照留7:00pm waiting list, 碰碰運氣... 

之後由於kakama突然有大買賣出現, 要早走, 所以佢6:30pm就提早去munch碰碰運氣... 點知... walk-in 就竟然即刻有位, 呢d到底係咩"奶"油呀!!!

kenmerry 拉姑 發表在 痞客邦 留言(1) 人氣()

今日(2007年9月9日)要去銅鑼灣睇下茶几, 順便去附近揾食...

揾食期間發現吉仔十元店已經close咗, 成個商場正改建為LCX, 沙鹿滾滾...

行行下發現咗間小店, 很有歐陸風味, 很寧靜休閒, 步伐很慢...

我倆order咗兩個set lunch!

其中一個餐麭好特別, 好似有條尾突咗出o黎咁, 入面有d果仁, 好有口感! 另一個係麥麭!



餐湯有蘑菇湯同栗米湯選擇!
主菜係: -

kenmerry 拉姑 發表在 痞客邦 留言(1) 人氣()

早兩日(2007年7月12日)收工準備去買餸煲湯, 點知臨出門口KaKaMa msn我, 話花師奶急call食飯, 見佢好日唔出市區, 是但喇! 由於時間勁急(貓頭已準備上車返歸), 冇可能慢慢揀, 花師奶提議去番Q Club, 因為上次印象唔錯, 所以大家都冇異議...

今次我地order左:
. 仙人掌沙律 -- 冇乜特別 (KaKaMa食剩晒d仙人掌, 話好酸喎)




. 墨西哥小食拼盤 -- 感覺幾新鮮 (KaKaMa食剩晒d豆蓉)
. 炸軟殼蟹 -- 幾油下

. 西冷 -- 冇乜特別
. 越式羊扒 -- 冇乜特別

kenmerry 拉姑 發表在 痞客邦 留言(3) 人氣()


之前都介紹過呢間食肆, 不過今次唔同, 今次係去happy hour!!!

其實... 老細兩個星期前, 已經話請大家去happy hour, 但o個日個個都話唔得閒, 一約就約到今日(2007年6月22日)!

今日未夠鐘放工, 老細已經叫我落去搵位(打去book位, 話冇得book, 先到先得)! 但係落到去又有留位喎, 奇怪!

好快手咁order咗d小食(happy hour三寳: 水牛鷄翼, 洋蔥圈, 焗薯皮), 幫同事order凍檸水嘅時候, 我見過侍應呆一呆, 好似唔相信自己隻耳仔咁! 到我order凍cappuccino嘅時候, 佢已經適應咗lu!

點解要o黎呢度happy hour? 因為呢度最特別嘅地方係... 食完d花生殼, 係就咁掉落地下嘅, 滿足晒平時唔想守規矩嘅人! 所以亦有人叫呢度做花生吧!

但係... 恐怖嘅事... 係埋緊單時發生... 有隻大曱甴(2吋半長, 逃走時仲識飛o架), 由幅牆爬上我同事身上, 爬過手肘, 手臂, 肩膀, 頸, 然後唔見咗! 我嚇到唔識講o野, 淨係識擘開個口手指指, 其他人開始意識到有d好得人驚嘅o野, 之後先見倒小強, 然後狂奔, 連隔離枱位小姐都跟我地奪命狂奔, 幾搞笑, 但超恐怖! 小強, 最後被侍應送往西方極樂!

kenmerry 拉姑 發表在 痞客邦 留言(2) 人氣()

  • May 17 Thu 2007 23:40
  • Q Club

早2日(2007年5月15日)又有飯局(慶祝KaKaMa即將重擭新生), 真係有食神!

原本鑽媽揀咗Santa Fe American Brasserie, 不過KaKaMa打電話去book位時, 職員就recommend佢去Q Club, 話多d選擇喎(有美國菜之餘仲有東南亞多國菜, 價錢一樣), 所以KaKaMa就"誤打誤撞"訂左Q Club喇。

嘩! 原來間餐廳好靚o架, 情調一流! 食物真係好多選擇... 情侶們, 萬勿錯過!

我地order咗沙律, 軟殼蟹, 蟹餅, baby rib, lamb rack, chesse cake, tiramisu, 炸香蕉, 4杯special drink... 全部都咁好味, 價錢又唔貴, 等honey生日帶佢o黎呢度食先... (呵呵, 好o野, 唔使唸爆頭)

由7點傾到11點, 都冇比人趕走, good!

尋晚睇"師奶兵團", 葉童個老公請新女食開工飯, 咁啱係呢度取景, 真係"橋"! honey即刻扭計話點解冇佢份, 唉, 前2晚咪話咗帶你去囉, 冇記性嘅!

是次每人消費約$230元
味道: 4; 環境: 5; 服務: 3; 衛生: 3; 抵食: 4

kenmerry 拉姑 發表在 痞客邦 留言(2) 人氣()


今日(2007年5月11日)d同事唔知點解咁好興致, 話去轉角間酒吧食lunch, 哈... 咪陪佢地去傻下囉!

我地order咗午餐A(Pork Curry), 午餐B(Grilled Salmon), Turkey Burger w/ Fries, Pizza (BBQ Chicken w/ Mozzarella) !午餐包湯或沙律, 仲有甜品!

餐麭: d牛油好味 (後尾先知原來可以要求"看"熱d麭);
餐沙律: 唔錯, sauce好開胃;
咖哩猪: 少少辣, 好香, 嚟嗰時, 竟然跟白飯? 乜唔係食西餐咩?
三文魚: 唔腥, 幾好味, 薯茸勁滑, 一定唔係開粉;
Turkey Burger: 今次去呢度食嘅目標, 薯條好香軟, 漢堡一般;
Pizza: d味好似义燒酥, 幾好味, 切開一格格, 好得意;
胡蘿蔔蛋糕: 男同事話好好食, 女同事話食唔慣

kenmerry 拉姑 發表在 痞客邦 留言(2) 人氣()



呢個復活節假期真係冇時停,行山、食薑醋、拜山、、、日日都忙個不停,真係好需要享用一個休閒下午茶作Ending,咁啱第四晚一班飯局鐵腳又約我食Tea Buffet,我又點會放過呢個機會呢,今次更難得有“無敵”加入,好不熱鬧!大家用了幾個鐘頭在Internet搜尋,最後選了“磨坊咖啡室”,只因大家都未去過,價錢又相宜,亦都好眼瞓(搜尋至深夜)。

復活節假期最後一日(2007年4月9日),3點正到達港威酒店,鑽鑽已在lobby大覺瞓,鑽爸見我一到便離開(開工--趕往交易)。未到3:15pm餐廳完全唔比人入去坐,要係外面等,一到3:15pm突然齊晒人,奇!

餐廳不太大,buffet枱不是太少,食物選擇又不是太少,但食物質素就真係“麻麻哋”得好緊要!


雪糕:雖然係movenpick,有綠茶同薄荷朱古力,但完全冇toppings,淨雪糕--奇!

kenmerry 拉姑 發表在 痞客邦 留言(2) 人氣()

1 2