目前分類:亞洲。日本菜 (21)

瀏覽方式: 標題列表 簡短摘要
16 February 2017, Thursday

回港不久,忙搬家跟大掃除,體力不支再加上病了好久,被關家中多天,身體稍為能動就心癢想躝街~

知我者莫過於貓兄。

果朝先WHATSAPP我問我一唔一齊食LUNCH,有得躝街,仆到出去啦~

因為佢開會開耐咗,我企係尖沙咀地鐵站九龍公園外面呆等咗一陣,有遊客攞住地圖問路,我都唔係好知D大廈名,睇完地圖就指出方向。

佢有D猶豫囉,強調去買小熊曲奇,問我知唔知係咩。(嘿,大我?!我N年前去過赤柱元祖店,其他分店真係唔知開係邊)

佢繼續猶豫話行入地鐵會唔會好D,我好大反應同動作:行入地鐵要行好遠好遠,地面直線就到。

佢有少少被迫就範嘅感覺。。。臨走補句:你好似唔係好識路咁嘅。。。(呀哈哈哈,鐵板神算都無你咁準,其實我都好耐唔曾返香港)

kenmerry 拉姑 發表在 痞客邦 PIXNET 留言(0) 人氣()

2 December 2014, Tuesday

Running Man有星期一情侶, Ken & Merry都有星期二姊妹, 是日Tuesday又要上演餓鬼出籠啦~~~

食力組合對上一次一齊去大坑搵食, 好似已經係好多年前嘅事喇... 浣紗廚房都執鬼埋喇...

今日的目標係... 日本拉麵!!!

6點前去到, 未開門, 唯有係門外等候... 餐廳外觀有95%日本本土Feel... 哈哈, 自家制麵4隻中文字出賣咗佢...



影門口相期間有外籍人士加入等候, 店員開門時竟然招呼佢地入座先?!! 可能外籍人士自己都覺得唔多妥, 同我地講咗聲Thank you...

我地被安排坐在面壁位... 外籍人士有得坐吧枱...

kenmerry 拉姑 發表在 痞客邦 PIXNET 留言(0) 人氣()

31 March 2011, Thursday


今天的拉力早敍餐, 選址上一次食過番尋味嘅和光!!!


今次食8:15-10:15PM時段, 價錢貴了, 食物差了, 座位迫了, SERVICE少了... 難為我們為咗食佢, 挨咗一個鐘頭餓!!!


跟人頭送的刺身... 冇咩特別...


跟人頭送的肉眼扒... 不錯...


係現場都分唔清邊碟打邊碟, 總之通通都是牛...

kenmerry 拉姑 發表在 痞客邦 PIXNET 留言(3) 人氣()

24 January 2011, Monday


和光燒肉放題... 已經想試超過2年... 只可惜, 黃埔分店交通實在太唔方便!!! 仲要只得2個時段選擇, 6-8PM 或 8-10PM... 6點, 未免太早啩... 8點, 食完又太夜... 所以一直都冇機會去到...


舊年發現佢係銅鑼灣開咗分店, 但冇緣份即係冇緣份, 一直都食唔到... 2011年, 緣份到!!!


我遲咗小小到, DD同無敵已經ORDER定成枱餸, 等我一到就有得食... 嘩... 場面未免太誇張啦... 未算!!! 呢度只係我地當晚所食嘅一小部分...


菠蘿青檬汁好正... 和光沙律都好新鮮, 仲係配我最愛嘅黑醋汁...


什錦刺身係贈送嘅...

kenmerry 拉姑 發表在 痞客邦 PIXNET 留言(3) 人氣()

17 January 2011, Monday


今晚少林食神帶我地去「稻菊」食日本菜... 坐低時象徵式睇下餐牌, 之後佢相熟嘅2位廚師就由廚房走出黎同佢打招呼, 跟手佢就比咗個BUDGET比師傅, 叫師傅幫佢安排一下, 所以我地一路食一路都唔知仲會有咩食... 咁大個女都係第一次咁食法...

刺身拼盤--白魚我同HONEY一向唔多食, 生蝦我地又唔食, 所以同枱嘅朋友勁開心, 因為佢地可以食埋我地果份.... 我最鐘意係帶子, 好新鮮, 好有咬勁, おいしい (oishii)...
 

天婦羅汁, 檸檬, 綠茶鹽, 幼海鹽--點小小綠茶鹽都夠味...


稻菊嘅天婦羅 (Tempura) 係必吃招牌菜, 選用優質芝麻油和棉花籽油, 用料新鮮, 即點即炸, 炸起嘅天婦羅又薄又脆 。師傅手藝更是一絕, 吸油紙上面, 一滴油都冇!!!


天婦羅目光魚(左) -- 鱭魚科, 又名"鳳尾魚", 俗稱"烤籽魚", 炸得外脆內Juicy, 完全冇骨, 好好味, 我二話不說吞晒落肚...
天婦羅竹蝦(右) -- 師傅將蝦頭炸到好似朵花咁, 好靚呀~ 蝦身又係粉薄又脆, 蝦肉一D都唔乾身, 一隻真係唔多夠喉...

kenmerry 拉姑 發表在 痞客邦 PIXNET 留言(2) 人氣()

9 September 2010, Thursday


今晚的拉力早叙餐相當緊急... 何解??? 因為大家要交換去旅行時買的手信!!!


買土產做手信通常最受歡迎, 但又有小小麻煩, 煩就煩在有Expiry Date!!! 因為有時唔係咁輕易就約到朋友出黎飯叙, 有時真係擺到D野過期都未約到對方出黎, 所以今次行動一定要快!!!


好可愛嘅餐具架呀!!!


因為大家都唔餓, 所以我地叫一個SET, 再加一個意粉...


niji Coffee Smoked Kurobuta Pork Linguine in Ginger Soy Sauce & Chili
日式炒香辣niji咖啡煙黑豚肉扁意粉
-- 香口冶味, 很不錯...

kenmerry 拉姑 發表在 痞客邦 PIXNET 留言(0) 人氣()

11 June 2010, Friday

話說公司早前有大量"打柴"電腦出現, 一直無人處理, 叠到就到天花... 直到有一日, 有人上門問有冇舊電腦, 好壞都收... 嘩, 有呀!!!


Recycle錢箱有500蚊進帳, 發達啦!!! 有錢係手, La La 聲搵好o野食啦喂...


呢間日本餐廳, 之前TVB原裝入口有介紹過, 標題係「堅持傳統的日本料理 -- 日式家庭料理 -- 地道日本廚師為食客帶來媽媽的味道」, 大家有興趣的話, 可以去TVB嘅網頁瀏覽下...  http://mytv.tvb.com/foodandtravel/atasteofhome/3377/99#page-1


蒲燒饅魚飯配刺身定食 -- 饅魚好好味, 又大舊... 三文魚又大舊又新鮮, 好正呀!!!


銀鱈魚定食 -- 同事C比咗小小我試... 嘩... 好好好好好味呀!!! 又厚又大大件, 出面而家食唔到o架啦, 連Ichikawa都變得又細又薄, 攪到我對至愛嘅銀鱈魚心都淡晒, 但係, 估唔到佢呢度嘅銀鱈魚竟然仲咁正, 我一定要帶Honey o黎試下先得...


kenmerry 拉姑 發表在 痞客邦 PIXNET 留言(1) 人氣()

4 April 2010, Sunday

復活節假期第3日... 繼續冇節目...


幫襯咗超過10年嘅飯堂, 原來從未係Blog亮相, 真係自己都覺得奇怪...


而家呢個係新店, 大部份都係卡位同梳化位, 亦有吧位... 有電視睇, 長期播TVB... (舊店係隔離鋪位, 裝修係日本居酒屋式, 鋪仔細細, 好有人情味果種, 長期播日本節目... 我... 還是喜歡舊的那一間...)


自選午餐, 好多o野揀, 反轉個餐牌都仲有十幾款...


餐飲可以揀招牌菜自製水蜜桃茶, 超級好飲!!!

kenmerry 拉姑 發表在 痞客邦 PIXNET 留言(2) 人氣()

12 March 2010, Friday

我的第一次... 就咁就比咗貓兄啦!!! 哈哈... 唔好諗錯隔離, 我係講緊第一次睇3D電影... 同埋第一次去The Grand Cinema... 同埋第一次去千両...


睇戲前去咗千両醫肚, 因為D網友講到起碼要排1個鐘以上, 所以我地都係諗住見機行事... 點知... 6點半去到, 排咗一陣就入得啦, 好o野...


吉列炸蝦卷--哈哈哈... 實在太肚餓啦, 攪到一人隊咗一舊炸蝦卷先醒起未影相... 熱辣辣... 正!!!



日本特大帶子壽司(左)--好鮮甜呀, 冇得彈...
劍魚腩壽司(右)--唔記得問貓兄嘅意見添...

kenmerry 拉姑 發表在 痞客邦 PIXNET 留言(1) 人氣()

2 March 2010, Tuesday

拉力早開年飯, 一定要食好D!!! 原本Book咗"和光鐵板燒日本料理"嘅和牛放題, 可惜18:00實在太早, 趕唔切, 唯有轉陣地... 去番就腳嘅尖沙咀...


一坐低, 隔離枱2個剛落單嘅男西人係度多多小動作, 作狀話D枱咁近, 可以夾埋我地張枱D食物, 我地呢D高貴嘅Ladies, 當然會當睇佢唔到聽佢唔到啦, 以免佢地全餐搭訕...


嘩... 埋單好奇怪... 多咗1行60蚊嘅唔知咩... 原來碟醃蘿蔔同茶要收每人20蚊o架... 仲要我地飲乾晒成杯茶, D侍應都唔加茶, 要叫先加... 20蚊... 邊樹值呀!!!


清酒煮蜆--D蜆大大隻, 好重清酒味, 正!!!


kenmerry 拉姑 發表在 痞客邦 PIXNET 留言(1) 人氣()

4 February 2009, Thursday


今年第一餐團年飯係同王者食, 完全諗唔到... 查實係佢2009年嘅生日飯, 個期一改再改... 原本都要改期, 但之前1日又話唔改, 真飄忽... 都係果句, 同佢食飯, 至小要改期10次8次以上, 最高紀錄係14次, 所以我通常都準備定, 比佢放飛機時嘅後備節目...


我之前食過2次板長... 1次係8號風球, 趕頭趕命, 食而不知其味... 另1次係約咗王者, 等咗佢成個鐘都唔見人, 仲要失去聯絡, 加上我3點半都未食LUNCH, 餓到暈, 唯有入板長食3舊SUSHI頂住先, 一坐低佢就打比我, 又要我極速鯨吞...


呢間餐廳嘅裝修都算唔錯, 大部分都係梳化位, 環境都幾清靜, 可惜SERVICE真係一如網民所言, 差到不得了, 我開頭仲諗"係D人要求高咋嘛?", 點知原來唔係, 個WAITER全晚無故黑面, 好似D客殺死咗佢全家咁...





三文魚腩壽司--個樣都OK... (我冇食)
三文魚壽司--個樣都幾垃圾, 我係Jusco超市買嘅都靚過佢... (我冇食)

kenmerry 拉姑 發表在 痞客邦 PIXNET 留言(0) 人氣()

1 September 2009, Tuesday


旅行完之後食完一餐又一餐... 今次到咗拉力早敍餐... 目的係派手信...


之前食過呢間幾好, 價錢又OK, 所以就提議o黎呢度, 諗住話開懷大食一番... 點知... 之前食過都OK嘅食物, 今次變得好唔OK...


蒸蛋--唔得, 冇味...
蒜片牛柳粒&薄燒牛肉--全餐叫做OK小小...
芝士年糕--好膩...
凍豆腐--冇味...



kenmerry 拉姑 發表在 痞客邦 PIXNET 留言(0) 人氣()

3 August 2009, Monday

放咗工Honey提議去Delifrance, 差不多行到去嘅時候, 我突然靈機一觸, 捉咗佢去呢間好多人都話好食嘅新餐廳... 查實都開咗半年有多, 之前試過Lunch Hour去排隊, 竟然要等五十幾張枱, 有冇攪錯, 過咗Lunch Hour都未入得到去啦咁...


入面有一半係Common Table, 我地就選擇坐梳化位...



自家製嫲嫲餃子--又真係幾好味喎... 一D都唔油, 個醬汁又好味...


日式蕃茄牛肉拉麵--點解係公仔麵??? 蕃茄湯好濃...

kenmerry 拉姑 發表在 痞客邦 PIXNET 留言(1) 人氣()

上星期五(2008年9月19日)係九月之星嘅大日子!!! 多謝各位姊妹們請客, 更多謝姊妹們遷就地區, 衷心多謝!!!


我同DD最早到, 一坐低第一時間落order, 好似好趕咁, 哈哈...



雜菜沙律同蒸蛋都唔錯... 松葉蟹腳棒壽司, 薄燒牛肉, 蒜片牛柳粒, 燒羊架必吃... 南瓜, 蕃薯, 蝦天婦羅都好味, 不過全程都係個碗汁, 用到尾油淋淋好嘔心... 芝士年糕都唔錯... 燒餅都OK... 魚生都算OK新鮮...


不過唔知點解, 佢D豉汁同Washabi係完全冇味架... 仲有, 千祈咪食章魚小丸子, 真係槳到呢... 枝豆勁唔掂... 燒物好一般...


金田比Iro Iro貴D, 冇飲品任飲, 亦冇雪糕任食, 不過就好味D...


kenmerry 拉姑 發表在 痞客邦 PIXNET 留言(2) 人氣()

尋晚(2008年9月8日)拉力早開Annual Birthday Party呀!!! 原定去海港城魚一丁, 但係竟然執咗笠, 電話飛咗去九龍灣分店... oh... 早兄之前去六本木呢度試過幾好味, 好, 去試一試佢...


一開波... 明明DBS信用咭網頁同OpenRice都註明"惠顧食品及飲品8折優惠", 但係經理竟然話"冇咗啦, 比現金嘅話就比個9折你地啦"...

 
我今朝打去DBS Card Centre問, Card Centre都話個優惠係到年尾嘅, 要調查下... 實在太唔老實啦呢間野!!!
 
(DBS之後Call番我, 間o野覆佢地話因為壽司同卷物做緊6折, 所以暫停所有Card嘅優惠... 但係我地尋晚都有食壽司, 係比正價囉...)

個經理唔知係咪估到我寫Blog, 所有食物一上枱都放係我面前, 仲要放到最靚嘅角度先肯罷休...


我可能太肚餓, 竟然"隊"晒D枝豆... 雞軟骨串燒好香口...



什錦棘身--都幾新鮮...

kenmerry 拉姑 發表在 痞客邦 PIXNET 留言(3) 人氣()

Date: 2007年8月29日



由於一遊的甜品唔啱口味, 所以我地轉移陣地到麻布茶房(Azabusabo Tokyo)...

好勞氣...

1) 攞咗位, 等好耐都冇位, 有d後尾o黎嘅人竟然可以入坐先, 咩天理呀...

kenmerry 拉姑 發表在 痞客邦 PIXNET 留言(4) 人氣()

早幾晚(2007年8月29日)係8月之星約會, 開餐前影番張大合照先...
* 鳴謝鑽媽幫忙拍照, 因為佢最遲o黎(唔計缺席嘅高廋平的話), 不過唔明點解佢影咗出o黎之後, 可以完全冇晒間房嘅特色? 例如我地坐緊塌塌米, 又例如我背後用竹間成嘅屏風, 再例如間房嘅紙趟門, ...)
* 有兩位對鏡頭敏感的好友沒有上鏡, 都已經比我夾硬key番上去喇, 呵呵...


拉姑推介 : toyo roll, omelette with crab meat, pumpkin salad (王冠items)

. grilled ox tongue, grilled minced chicken (左上) : 我冇食, 唔知咩料

.  toyo roll (右上) : 超正, 入面d餡配合得天衣無縫, 個皮亦好特別
. omelette with crab meat (左中) : 好味

kenmerry 拉姑 發表在 痞客邦 PIXNET 留言(6) 人氣()

今晚(2006年11月9日)係【十一月之星聚餐】嘅大日子,大家去咗尖沙咀『南山谷韓國居食屋』賀一賀佢。哈哈、、、但係我唔打算係度向大家報導!點解?事原係、、、

七點半左右齊人,由於大家都勁餓,所以“拿拿聲”order食物,而d食物一到,就好似跌咗落充滿食人魚嘅河入面咁,“渣一聲”冇晒!食咗三、四輪之後,到我醒起要影相寫blog時,都冇乜好影喇!所以、、、算吧喇、、、

原本一早食完可以鬆人,大家都笑住話『唔慣咁早食完返屋企』,但係尋日有三個墟咁多,傾吓傾吓,已經十點,大家喺充滿歡樂嘅氣氛下離開!

行到樓下,路過上樓前發現嘅甜品店,大家行個注目禮,其中五人(無敵、貓頭夫人、高瘦平、龍媽、同埋我)被一股“神秘力量”吸咗入去!呀呀呀呀、、、

坐定後睇睇個menu,嘩嘩嘩,個menu入面樣都咁吸引,好難決擇呀!

最後我order咗“草莓白肉霜蜜豆沙”(左圖),龍媽同無敵就order咗“芒果聖代”(右下圖),貓頭夫人同高瘦平就order咗“枺茶杏仁豆腐芭菲”(右上圖)。

人地幾個人share一個,我地就一人order一個,呵呵呵呵、、、食物一到,大家瘋狂影相一輪,影到d軟雪糕都溶到滴落地,“拿拿聲”食喇!一路食一路逐樣材料研究,話題不絕,食得好開心,最後結論係我order嘅“草莓白肉霜蜜豆沙”最抵,因為材料同分量都係最多!正正正正正!

回家途中,充滿愉快的感覺,所有唔開心嘅事都忘記晒,太棒了!

kenmerry 拉姑 發表在 痞客邦 PIXNET 留言(1) 人氣()

星期二晚(2006年10月24日)要同貓頭夫人、KaKa媽開旅遊大會,順道開大餐。貓頭夫人中午時比咗幾間餐廳比我地揀,最後大家揀咗壽司廣,雖然貴d,但KaKa媽出得嚟食飯,咪揀間好d囉,試吓新嘢嘛!

一坐低,侍應生就幫我哋斟酒--桃酒梳打!(當我見佢斟d清澈透明的液體時,我好緊張咁問佢:『呢d咩嘢呢o架?』『吓!桃酒!我唔飲得酒個噃!』個侍應生冇理我,繼續斟)
原來貓頭夫人同我都因為皮膚敏感,所以唔飲得酒,最後KaKa媽一陣就乾晒成杯,貓頭夫人飲飲下都飲晒,而我只咶了一下,都幾好味!

跟住就放低兩碟前菜!

我哋經一輪商議後,order咗兩個$450套餐,再加菊花蟹肉,同埋三文魚沙律手卷(1.5份,係侍應生建議的)!

當每樣食物一上枱, 三位Blogger即瘋狂用手機拍照(我第一次用Nokia N80影相,所以全部OutFocus),瘋狂程度令到隔籬枱一男一女也為之側目!拍完照才慢慢開始品嚐!

蟹肉充滿海水味,好鮮!醋味水雲好開胃!握壽司好味!三文魚沙律手卷乾咗d!煮物好味!麵豉湯好濃,好味!天婦羅好好味!桃味雪芭好味,略甜!

食食下,侍應生話d嘢嚟晒,叫我哋加單,咁我哋咪叫佢比個餐牌睇睇囉!睇完餐牌,先發現好多食物都未嚟,個侍應生check完後話我哋order咗兩個$320套餐,d嘢嚟晒啦!唉!原來係個侍應生落錯單!

kenmerry 拉姑 發表在 痞客邦 PIXNET 留言(1) 人氣()





昨晚(2006年9月19日)各位好姊妹為小妹及鑽石賀牛一,一行九人去咗松屋勁擦放題,由於同事的相公說好吃,所以才選中這一間。可能期望過高,結果嚴重失望!

一句講晒:-

1) 味道:難食質數差! (魚生:腥;燒蝦:臭;贈品:燒牛柳粒勁"鞋"勁"乾"兼冇味,及銀雪魚一般;甜品:只有3種雪糕,但冇得任食;實在太多食物唔掂,不能盡錄)

2) 環境:差!茶餐廳質數!(坐係出菜位,對住多士爐、水吧、洗碗盆等,very dirty)!

3) 價錢:唔平(每位折實$200),但order紙的選擇項目少嘢到唔敢相信!

kenmerry 拉姑 發表在 痞客邦 PIXNET 留言(1) 人氣()

1 2