目前分類:新手入廚 (55)

瀏覽方式: 標題列表 簡短摘要
15 August 2013, Thursday


潮人必識的樂天市場, 為日本最大、全球第三大的購物網站(以營業額計), 僅次於亞馬遜及eBay... 產品多元化, 包括男女時裝鞋履配飾、化妝品、奢侈品、運動用品、美酒食品、電子影音、動漫玩物、雜誌漫畫、文具雜貨、汽車用品、園藝、廚房家居、兒童嬰幼兒用品、寵物用品、醫藥用品等等, 單在Rakuten Global Market已有超過1千350萬件商品任君選擇, 在日本國內更多達1億3千474萬件商品...

樂天市場2013年首次推出「品食日本」活動, 將頂級時令海鮮、鮮果及日本清酒, 以冷凍速運方式, 直送到香港顧客手上... 於8月13日至26日期間更展開第5次日本高級食材速運優惠予香港顧客, 透過http://global.rakuten.com/en/, 安坐家中選購各款心儀時令食品... 令人垂涎的岡山縣蜜桃、岡山縣葡萄、沖繩縣泡盛、冷凍海產(蟹、海膽、生蠔、龍蝦、鮑魚)便會於9月5日前直送府上... 猶如在日本的鮮活市場選購海產後, 付款時魚販給你一個號碼牌, 回到座位時稍後一會, 海產便送到面前, 這種感覺令人很懷念哦...

日前收到樂天市場的邀請, 出席「 品食日本 日本名廚廚藝坊」博客活動, 既興奮又期待, 正當活動舉行的日子一步一步迫近, 強颱風「尤特」亦強勢迫近, 心情忐忑不安, 好怕期待已久的日子會被強颱風「尤特」吹散了... 感謝PR的果斷安排, 係活動前一日早上已通知大家活動延期1天, 終於放下心頭大石, 瞓得安樂... PR料事如神, 活動當天早上果真掛了8號風球呢...

早上準時到達日航酒店2Garden Room, 酒店方面安排非常完善, 廚藝坊的所需物品已準備妥貼...  


好漂亮的器皿, 七彩繽紛, 雖然只是綠葉, 也教人賞心悅目... 


kenmerry 拉姑 發表在 痞客邦 留言(0) 人氣()

20 July 2013, Saturday

去年半島酒店嘉麟樓迷你奶黃月餅「瘋搶」事件, 400人一早在店外排隊輪購月餅券, 一小時內售罄, 只有數十人成功購買, 要出動到警方到場調解, 擾攘七小時才告平息... 相信各位香港人應該仲記得啩...

當時同事買咗一盒半島酒店的迷你奶黃月餅請大家食... 嘩!!! 咁都買到, 咁勁?!! 後來上網做吓Research, 原來有d叫做半島酒店「非嘉麟樓」的奶黃月餅, 係半島精品店 (Peninsula Boutique) 出品, 其實我覺得有混淆視聽之嫌囉, 不過唔使錢有人請, 當然唔可以有咩投訴... 講真, 味道真係唔得, 奶黃味無咩之餘, 仲要乾掙掙, 要錢買的話唔好預我...

就係呢個時候... 竟然... 比我發現有朋友去咗長沙灣學整酥皮奶黃月餅, 由葉潤發師傅親自教授... 又上網做吓功課先... 嘩嘩嘩!!! 不得之了!!! 原來葉潤發師傅於1986年加入半島, 係前半島酒店嘉麟樓中式點心顧問, 亦係酥皮奶皇月餅始創人, 可謂「元祖」級人馬, 去年更以自家品牌「望月」www.wangyue.com.hk, 推出手造奶黃月餅, 全城熱搶!!!

但係... 當時的酥皮奶黃月餅課程竟然已經全部Full晒, 激死!!! 唯有係Calendar入定Schedule, 今年6月響Alarm提醒自己報名啦... 哈哈... 真係好鬼誇張嘅啫... 最後呢招成功咗, 比我報到, Yeah~~~

不過... 今年唔再係葉潤發師傅親自教授... 但係都仍然好想學...

話實, 第一次上$580得3粒鐘的烹飪班, 真係幾貴, 見有得報名時頭腦已經被衝昏, 冇理會價錢, 到朋友比返錢我時先驚覺原來咁貴... 不過又咁, 望月的迷你酥皮奶黃月餅1盒8件都賣成HK$208, 烹飪班有16個即係買都要HK$416, 咁即係加多HK$164已經可以學3粒鐘, 計落又好抵玩喎... (自我催眠-ing)

期待已久, 卻因剛病了一個星期, 身體抱恙, 尋晚痛到瞓唔到, 都好擔心今日上唔到堂, 好彩意志力頂得住, 不過就全程痛到講唔到o野同無咩笑容囉...

kenmerry 拉姑 發表在 痞客邦 留言(18) 人氣()

6 July 2013, Saturday



之前同學仔去循道衛理學包稯, 佢之後又報咗鬆弛熊馬卡龍 (Rilakkuma Macaroon), 問我一唔一齊去, 我見$140就有得玩, 好抵喎, 緊係要預埋我啦!!!

去到先知, 原來都係中式廚房入面學, 係雜物房搬咗4個焗爐出來... 仲要4人1組, 有點失望...

先將材料混和及打勻... 然後放入唧咀...

可以用曲奇模畫係牛油紙上...

又或者用矽膠模... 個個見到咁得意的矽膠模都爭住用, 不過得2片, 每組只可以輪流用1次... 矽膠模對新手會好D, 唧得唔好都唔易變形...

唧好第1轉, 由於趕時間, 要用風桶吹一陣...

kenmerry 拉姑 發表在 痞客邦 留言(0) 人氣()

30 June 2013, Sunday

韓式辣醬牛肉炒辛辣麵!!! 尋日跟呂珍九學的!!!


睇 J2「與星同行」(I'm Real 여진구 in Italy) 時, 呂珍九到米蘭米芝蓮二星餐廳的廚房, 向主廚學做橄欖油清炒意粉, 最後他做咗韓國炒拉麵當謝禮~


唔知Honey邊樹來的勇氣, 竟然叫我呢個「廚盲」試吓整... 好... 試吓囉...

材料有... 辛辣麵, 牛肉, 韓式辣醬, 黃椒, 蔥...


先炒香黃椒同蔥...


kenmerry 拉姑 發表在 痞客邦 留言(0) 人氣()



1 June 2013, Saturday

話說... 舊年... 由於微型粘土食品嘅新同學極力推介灣 仔「循道衛理教育中心」嘅美味廚房, 導師Winnie姐廚藝好了得, 仲話自己會報6月份嘅包粽班, 微型粘土食品嘅老師又話一齊學, 加上識咗1年嘅微型粘土食品嘅舊同學又話想一齊去, 所以我又趁熱鬧, 親身走去灣仔報名... 最後... 極力推介果位同學仔, 又話報咗名, 但係又唔見咗人... 好彩仲有個舊同學一齊去...

今年同學仔話想學, 我緊係捨命陪君子啦... 我地先去樂農食個Lunch, 然後施施然行去上堂...

去到課室, 覺得有個同學好熟面口, 不過把聲沙沙地, 髮型又轉埋, 唔係好Sure... 多口問幾句, 原來佢就係舊年極力推介呢個Course的粘土同學, 又會咁都撞返...

同舊年一樣, 到達課室時, 要幫手抺乾淨d竹葉... 等齊人就可以開始...

舊年甜粽教3款, 鹼
水粽、桂花紅豆粽、紫米甜薯粽... 今年再新增五穀栗子粽, 合共4款... 舊年包的桂花紅豆粽真係好好味, 加上紫米甜薯粽同五穀栗子粽相比起裹蒸粽同鹹肉粽健康得多, 所以今年只學甜粽...

一如以往, 先睇Miss示範, 之後就自己落手做... 雖然舊年已經掌握到竅門, 但係事隔一年, 所學到的已經一早還返晒比Miss... 初時都有少少手忙腳亂, 幸好後來越做越順, 居然早半個鐘已經包完, Yeah!!! 同學仔第一次包, 居然仲快手過我, 勁!!!

kenmerry 拉姑 發表在 痞客邦 留言(0) 人氣()

2 March 2013, Saturday


老友食家好利害, 經常係各類遊戲中勝出... 今日又贏咗「晴報 x Panasonic 健康麵包坊」, 可以帶1個朋友去Easy123跟著名營養師黃凱詩小姐學做麵包同Pizza... 我又可以跟埋去, 好開心, 呵呵... Thank you!!!

準時到達K11, 搵咗一陣, 終於搵到Easy123 Dining & Cooking Studio... 嘩... 企係店外可以一眼睇晒教室入面嘅情況, 好光猛, 好乾淨, 好企理, 好正呀!!! 仲有大電視直播導師的教學情況, 嘻嘻, 咁咪只要每日都企係店外面, 就可以唔使比錢上堂都學到o野囉...


夠鐘, 入得!!! 2人1組, 每組1部麵包機, 唔使同陌生人Share, 正... 店內裝修以白色為主, 係廚房或者教室o黎講, 實在罕見, 衛生程度可見一斑... 枱底有2張椅, 椅下面仲有櫃桶比客人放手袋同外套, 非常貼心, 第一次上烹飪班上得咁舒服...


未開始, 週圍影吓相先...


kenmerry 拉姑 發表在 痞客邦 留言(6) 人氣()

14 February 2013, Thursday

尋晚食咗一餐「泰」著數的情人節晚餐, 試食完拍拍Pat Pat就走人, 感覺有d似食完霸王餐靜雞雞偷走, 哈哈, 到而家都仲未係好習慣...

近年來情人節都已經轉咗食中餐, 因為唔使同人迫又唔使被迫食貴夾唔飽的套餐...

舊年開始試吓玩煮飯仔, 自己係屋企煮, 不過係煮中餐, 同埋入廚冇耐, 唔多見得人, 哈哈... (雖然而家都仲係地獄廚神)

膽粗粗今朝先上網搵食譜, 幸好有好多好心人, 無私地將畢生絕學Share上網, 將我地一眾地獄廚神從絕望的深淵拯救出o黎, 居然又比我過到骨喎, 呵呵呵呵... 總算一切順利, 係有少少阻滯咁囉... (話說... 買唔到露筍之餘, 仲要買好晒餸上咗小巴Do埋八達通, 小巴站前面撞車, 單程路, 塞死晒, 等咗好耐2幫司機都好似仲鬧緊交, 乘客開始走人, 我唯有孭住2袋餸徒步回家, 年初三行完山對腳仲酸軟緊嘅呢)

o黎, 大家睇睇今晚個餐牌啱唔啱食先...

DaDa... DIY「無題」情人節浪漫燭光「四道菜」晚餐 ♪(*^^)o∀*∀o(^^*)♪

餐飲: 日本山形縣葡萄果汁
頭盤: 香草蕃茄水牛芝士青橄欖, 黑醋
主菜: 澳洲和牛西冷伴新薯, 日式燒汁
主菜: 露筍醃火腿意粉, 新鮮羅勒醬
甜品: 布朗尼伴香檳士多啤梨雪糕
餐茶: 蜜桃芒果蜂蜜紅茶

先睇睇今日買咗咩餸先... 當收銀阿姐同我講幾錢時, 真係打個突, 拍得住同出街食一樣咁貴!!! OMG...

kenmerry 拉姑 發表在 痞客邦 留言(16) 人氣()

6 January 2013, Sunday

廚盲好耐冇出動啦啦啦~ 今日又走出o黎四圍嚇人啦啦啦~

第一次去Towngas Cooking Centre ( 煤氣烹飪中心), 嘩, 真係好High Class喎, 又乾淨, 又光猛, 地方寬敞, 難怪咁多濶太鐘意去啦~


今日的老師... 狎鷗亭老闆兼大廚Chef Lee!!! 旁邊的是翻譯小姐...

時間緊迫, 一講完開場白, 【Cooking in Korean Style! 韓國菜烹飪班】正式開始!!! Chef Lee即刻就以超高速示範宮廷炒年糕...

三兩下手腳就搞掂...


到我地實習啦...

今日係我有生之年, 第一次用中式菜刀同生鐵鑊, 起初都有d唔適應, 用落又幾好用喎...

kenmerry 拉姑 發表在 痞客邦 留言(0) 人氣()

15 December 2012, Saturday

同學仔買牛油, 居然買到... 抽中咗彩繪瑞士卷班!!! 又會咁好運嘅?!! 嘻嘻... 帶挈埋我... 又有得玩, 又有得食...

我第一次學做彩繪蛋卷咋, 心情好興奮呀!!!

未上堂前發生咗d小插曲...

事緣... 我地早咗少少去到「by Joanne stylish baking」, 係大廈入口, 被2名正在工作的電力維修員攔阻, 理論咗一陣, 上到Lift口又被保安攔截, 又理論咗一陣, 我地就搭Lift上蛋糕教室... 相信是牛油公司派來的PR, 解釋佢都係1.5小時前先被蛋糕教室知會全座大廈會停電2小時!!! 已經同大廈商討好要盡快完成...

唔係呀嘛?!! 天呀!!! 點解我會咁黑仔o架?!! 其實我今晚有生日會要去o架, 已經夾硬推遲晚飯的出席時間, 叫大家開餐先, 食住等... 佢而家咁樣搞一搞, 我仲使去生日會嘅?!!

說時遲, 那時快, 全間教室變得一片漆黑!!! 好彩, 日本311大地震後, 我的走難意識非常之高, Any Time都可以走難... 等我開番個iPhone嘅電筒Apps先... 我地用iPhone照明, 行咗幾層漆黑嘅樓梯, 順利離開大廈...

無奈下, 好飽地, 去咗Apple Green食陣Tea吹陣水... 5時許左右, 終於有工作人員Call同學仔返去... 

kenmerry 拉姑 發表在 痞客邦 留言(37) 人氣()

25 November 2012, Sunday

有幸獲PR邀請出席「刀嘜x “Angry Birds”彈入你屋​企烹飪班」, 驚喜萬分... 驚是驚自己入廚經驗淺搞唔掂, 喜是喜Angry Birds是姪仔姪女的至愛... 感激PR的邀請, Thank you~

Angry Birds便當由日籍家庭料理導師田中太太設計及示範, 席間盡是人氣Bloggers, 以我這種小薯的身份出席, 頓時如用了叮噹的放大縮小槍, 要將自己縮小再縮小, 平時大聲夾無準的鴻運聲線, 亦因害羞而變至無聲... 害羞的來源是PR介紹人氣Bloggers的廚藝是何等高超時, 我這位廚房Dummy真想找個地方躲起來... PR介紹我時, 我本想自我介紹自己有學做過3D Angry Bird 蛋糕 (http://blog.yahoo.com/ken-merry/articles/80563)... 但... 只係學過而不是自己研製, 真的不想在各位猛人面前獻醜, 最後還是無聲勝有聲好了...

先睇睇我同外甥女合作完成的制成品... Oh... Kawaii... 第一次接觸造型飯盒, 有此成績, 都算唔錯啦, 自吹自擂-ing... 哈哈... (實情是田中太太的功力深厚)


嘻嘻... 上課前, 田中太太親自炮製多款小吃招呼我地, 豬豬Pig餅乾好可愛呀!!! 綠茶紅豆忌廉卷超好味!!! 沙律菜好新鮮!!! 有得免費學做Angry Birds便當, 仲可以品種到咁美味的小吃, 好幸福呀!!! 

想知點整Angry Birds造型飯盒?!! 好, 去片!!!

有請... 田中太太!!! 大家比d掌聲... 啪啪啪啪...

kenmerry 拉姑 發表在 痞客邦 留言(23) 人氣()

16 June 2012, Saturday

上星期六係灣仔「循道衛理教育中心」嘅美味廚房跟導師Winnie學咗點包裹蒸稯同鹹肉稯, 今日再接再厲!!!

原本呢堂係10am-12pm, 不過報咗名之後, 職員通知我地要改做12pm-2pm, 上堂前食Lunch又太早, 落堂先食Lunch又驚餓暈, 都係帶定2塊曲奇去Standby先...

12:00pm 準時到達課室, 已經有同學係度抺緊竹葉, 等我地洗乾淨咗對手又o黎幫吓手先...

12:30pm 準備好晒d材料, 可以開工!!!

用咗半個鐘, 包好咗5隻梘水稯... 經過上星期嘅特訓, 我今日突然開竅, 包得好成功呀!!!

1:20pm 好, 第二場戰鬥開始...

kenmerry 拉姑 發表在 痞客邦 留言(0) 人氣()

9 June 2012, Saturday

由於微型粘土食品嘅新同學極力推介灣仔「循道衛理教育中心」嘅美味廚房, 導師Winnie姐廚藝好了得, 仲話自己會報6月份嘅包稯班, 微型粘土食品嘅老師又話一齊學, 加上識咗1年嘅微型粘土食品嘅舊同學又話想一齊去, 所以我又趁熱鬧, 親身走去灣仔報名...

期待咗2星期, 今日終於來臨啦!!! 但係... 點解... 極力推介果位同學仔... 又話報咗名, 但係又唔見咗人嘅呢...
好彩仲有個舊同學一齊去...

到達課室時, 見到老師同學員好似仲準備緊食材...

我地準時11:00AM去到嘅, 要幫手抺乾淨d荷葉同竹葉...

Miss就炒香d蝦米...

kenmerry 拉姑 發表在 痞客邦 留言(2) 人氣()

5 May 2012, Saturday

尋日先落機, 個人仲Jet Lag緊暈吓暈吓, 今日都未瞓番夠本, 就要起身趕去尖沙咀出席U Food  U Beauty  U Travel  x 皇家太平洋酒店  の 母親節精選甜品製作班 + 「春日‧盛燕」下午茶自助餐試食會!!!

酒店方面出動2位甜品師傅教大家整蛋糕, 認真大陣杖~

準時到埗, 現場已經Set好晒材料同工具~


嘩!!! d玫瑰花超靚呀!!!


我被安排同星級食家yvonne47一組... 睇完甜品師傅示範, 第一層就交比Partner yvonne47處理

kenmerry 拉姑 發表在 痞客邦 留言(2) 人氣()

25 February 2012, Saturday

「廚盲」今日又煮飯仔啦啦啦~
有朋友成日POST D蘿蔔炆牛腩嘅相上FB, 搞到我都好想食... 之但係我未買過牛腩, 唔知點買先好食, 所以轉做排骨先啦, 哈哈...

DaDaDaDa... 柱侯蘿蔔炆排骨!!! 嘻嘻... 唔係太入味, 不過都食得落... 我應該係落得太少柱侯醬(3湯匙變2茶匙), 臨尾半條蘿蔔又切得太大, 炆嘅時間又唔夠耐, 同埋應該用個大D平D嘅器皿o黎煮... 唔緊要啦, 下一次一定可以煮得更好味嘅~

感謝Yahoo Blog友通少同ccKitty分享食譜!!!

後記: 個Hello Kitty煲係我嘅嫁妝, 被埋沒係廚櫃內十幾年, 慘被遺忘!!! 煮完呢個柱侯蘿蔔炆排骨, 覺得個康寧煲影相唔好睇, 好羨慕ccKitty有個咁靚嘅Hello Kitty煲, 我又好想買一個呀!!!!!! 又過咗幾日... 咦... 我都好似曾經有過一個Hello Kitty煲o架喎... 搵搵搵搵搵... 終於比我搵得番出o黎啦!!! 所以, 5月中又煮多一餐, 等Hello Kitty煲可以正式登場~

kenmerry 拉姑 發表在 痞客邦 留言(1) 人氣()

14 February 2012, Tuesday

DaDaDaDa... 情人節無價愛心套餐隆重登場!!!

Errr... 豆豉鯪魚油麥菜... 鎮江骨... 普通嘢嚟咋喎... 係呀, 係好普通, 不過都係我呢個廚盲第一次學整嘛, 整得到出嚟又入得到口都已經好勁o架啦, 哈哈哈哈~ 

豆豉鯪魚油麥菜--都OK好味吖... 我覺得... 哈哈哈... 不過落晒1鑵豆豉鯪魚實在太鹹, 再整的話都係分開2次煮好D...

感謝Yahoo Blog友Owenmama分享食譜!!!

鎮江骨--都OK好味吖... 我覺得... 哈哈哈... 不過可能我冇用老抽, 片糖又用咗黑片糖, 所以D味同街食果D有D唔同囉...
感謝Yahoo Blog友通少分享食譜!!!

嘻嘻... 呢個咁靚嘅蛋糕就緊係唔係我整啦... 我去買餸果時路過麵包鋪, 一時為食忍唔到口就買咗喇...

kenmerry 拉姑 發表在 痞客邦 留言(0) 人氣()

11 February 2012, Saturday

好耐都冇「學」煮飯仔啦...

近期愛上咗「大戶屋」嘅「韓國泡菜豬肉鍋」, 係FB見到有朋友煮完POST D相出嚟, 攪到我都好想試吓...

平時我地成日都食冇味SHABU SHABU, 材料同「韓國泡菜豬肉鍋」都有D相似, 都係豆腐呀火鍋豬肉片呀果D, 今日上網搵完食譜, 膽粗粗買咗一桶韓國泡菜返屋企做實驗...

個賣相雖然唔係好得, 不過味道都OK, 撈白飯係啖咗少少, 因為加得太多水, 同埋食晒先醒起完全冇落到調味料, 嘩咔咔咔...


真係好易整, 都係煲滾水就掉晒D材料落去滾熟就得, 啱晒我地呢D懶人+廚盲!!! 又一新懶人菜式登場, 哦呵呵呵~

kenmerry 拉姑 發表在 痞客邦 留言(2) 人氣()

26 October 2011, Wednesday

今晚放工去吉豬島睇吓有咩生果好買... 咦... 點解生果櫃擺咗D迷你冬瓜係度嘅?!! 打晒BOW呔帶晒皇冠咁, 使唔使咁KAWAII呀?!!

睇真D... 哦... 原來係新鮮羅漢果o黎o架!!!

仲有張POSTER教大家點煲羅漢果薑茶, 好似幾好咁喎, 呢幾日翻風, 可以滋潤吓DRY到爆嘅喉嚨...


1盒有4個, 可以分4次煲...


1個羅漢果解體, 幾片薑, 2公升水, 煲20分鐘, 熄火再焗20分鐘, 飲得!!! SO EASY!!! 我貪心, 仲落埋桂圓, 呵呵~


1人1杯, CHEERS~

kenmerry 拉姑 發表在 痞客邦 留言(0) 人氣()

25 October 2011, Tuesday

好耐冇再重踏我嘅學廚之路啦, 尋日又突然好有衝勁, 好, 今日又試吓煮新o野先...

原本想試吓炒銀芽, 可惜去到吉豬島唔見有, 唯有買番近期練習緊嘅芥蘭...

南乳腐竹炆排骨--我第一次學人炆o野咋, 個食譜係D BLOG友POST出o黎嘅, 味道都OK得喎!!! 煮緊果陣Honey仲讚好香, 好似係第一次, 呵呵~ 係D鮮腐竹太多囉, 食唔晒好浪費...



薑酒芥蘭炒臘腸--第2次用薑酒炒芥蘭, 今次落埋屋企果1千零1條臘腸, Honey話味道合格喎!!! 我覺得都OK食得落口o架, 我又成功多一味喇, 嘩哈哈哈... (已經煮到純熟咗嘅只有豉汁蒸排骨)


食飽飽, 清理完個戰場, 我同Honey講我嘅終極目標係「三餸一湯, 白飯任裝」!!! Honey話「咁要換間大D嘅屋, 要有個靚D嘅廚房先得啦」... 呵呵呵... 好, 我等你!!!

kenmerry 拉姑 發表在 痞客邦 留言(0) 人氣()

17 September 2011, Saturday

今日約咗個小朋友一齊去學整蛋糕... 算係我人生第一次上親子班!!! 哈哈...

o黎... 大家睇睇我地嘅制成品先啦... 真的憤怒鳥!!! 係咪好憤怒呢... 嘩咔咔咔...

制作花絮...

第2日食個蛋糕, 個樣引死人唔在講啦, 味道仲出奇地OK喎, D芒果甜到你暈... 最後清晒碟... 噓... 鬆一口氣...

~~~ 題外話~~~

話說... 我地嘆完下午茶, 早咗幾分鐘上到個課室... 嘩!!! 人山人海... 咁多人整3D Angry Bird Cake嘅?!! 真係咁受歡迎?!!

之後見到D男同學不停追問D女同學做咩職業有咩興趣blah blah blah... 吓?!! 乜整蛋糕要比人查家宅嘅咩?!! 再睇真D... 張張枱嘅男女比例都係50/50... 咁奇怪嘅?!! 平時9成都係女仔學o架喎... 之後見到有個攪手吹佢地快D做埋D功課交比佢... 吓?!! 交功課?!! 攪咩呀?!!

嘿... 我穿過人群走去洗手, 終於比我發現佢地D Notes唔係教整蛋糕, 而係有個心心入面有1男1女, 我好肯定, 佢地係玩緊Matching Party!!! 天呀!!! 點解會比我遇到D咁嘅事o架?!! 我o黎整蛋糕啫... 我D Firends又會再話我成日遇到D"奇人奇事"o架啦!!!

kenmerry 拉姑 發表在 痞客邦 留言(2) 人氣()

12 September 2011, Monday

「自煮中秋」2人套餐
頭盤 : 煎鵝肝配蘋果片伴蜜糖黑醋汁
主菜 : 煎牛扒配露筍新薯伴黑椒汁
甜品 : 8星伴月

活咗幾十年, 今日係我人生第一次係中秋節親自下廚!!! 之前幾十年都係有人煮好晒等我返去食, 今年居然破天荒提早做節... 正日出街食, 肯定又多人又貴又趕又唔好味, 所以決定買餸返屋企自己煮...

呢鑵鵝肝係舊年去東歐旅行時買嘅, 再唔食就會過期, 一直擇唔到吉日開封, 今日終於有籍口開啦...

~ 呢HEA制作實錄 ~

先煎香蘋果片至金黃色... 然後煎鵝肝至金黃色... 再煮埋個黑醋汁加蜜糖...

kenmerry 拉姑 發表在 痞客邦 留言(2) 人氣()

1 23