麥噹噹最近又出Hello Kitty, 一套6款... 睇o黎睇去, 都係得佢一個, 值得我為佢增肥... Kawaii呢...
目前分類:路邊消息 (48)
- Jul 09 Thu 2009 16:04
海盜Kitty
- Sep 29 Mon 2008 23:58
又8號風球? 今年第4個8號風球啦喎!!! (颱風黑格比)
尋晚(2008年9月23日)放工可謂險象環生... 個風咁Q遠, 完全冇心理準備會掛8號, 雖然我已經一早開定收音機... (自從上年天文台網頁癱瘓, Inti提到可以上網聽收音機, 我先發現公司個HiFi係有收音機, 嘩哈哈哈)
我D同事, 夠鐘放工都唔走, 要我趕先至肯走...
攪到我走果陣, 已經8號, 條街冇晒Taxi, 平時行去太古坊條路D樹已經吹斷左, 望過去... 個Feel係"入得o黎, 冇咁易出番去"個隻(廸士尼黑色世界Slogan)!!!
一出停車場, 開遮即刻吹斷咗把遮...
風大雨大... 要係條英皇道度喪跑... 好彩冇上TVB News喳...
最慘係英皇道有地盤, 跑個陣要用手按住個頭, 驚有o野跌落黎... 個樣勁狼狽...
千辛萬苦閃到入MTR個陣, 已經成身濕晒, 但係都仲要坐一個站返太古... 已經冇Mood再去太古城大吃大喝... 唯有食D快餐就拿拿聲返歸...
我地新公司係海邊, 附近完全冇building保護, 好食風, 好多年冇試過咁有打風嘅Feel, 真係人都癲!!! 下次天文台再話2小時內掛嘅話, 我一定第一時間鬆人, 以免慘劇重演!!!
- Aug 22 Fri 2008 23:59
2008年第3個8號風球... 唔只... 係9號添呀!!!
鸚鵡(NURI)果然不負眾望, 以雷霆萬鈞之勢, 殺入香港, 等大家可以放多一日假...
22/8/2008 07:40am經過上次風神嘅教訓(搵唔到位飲茶), 我今次醒咗, 10點幾就打去西苑訂位, 雖然都要1點半先有位, 不過都好過上次連籌都派晒, 冇得拎... 跟住call埋honey d friends一齊去飲茶, 人多熱鬧d... 我地12點9落樓, 嘩嘩嘩, 好好好大風呀, 遮都開唔到, 好彩沿路行落太古城都有蓋嘅啫... 吹到個人都有小小「行路打倒褪」 , 好彩最後順利到埗!
22/8/2008 01:40pm一拎到位坐低飲茶, 已經即刻9號...
大家嘅無聊疑問o黎喇... "乜唔係冇咗9號嘅呢咩?"... "10號咁耐冇掛, 個牌都唔知放去邊, 應該搵唔番出黎o架啦, 咁即係10號都掛唔到啦..."
不過今日學識一樣o野! 就係8號嘅話, 屈X呀, 豐X呀, 吉仔呀, U仔呀, 全部都有開, 連灣仔會展都有開, 點知飲完茶出o黎, 全部都Close晒... 原來8號同9號嘅分別係咁嘅...
行番屋企個陣, 一滴雨都冇, d樹又完全郁都唔郁下, 開始有d驚, 因為咁嘅情況... 我地應該係o係風眼入面, 都係行快d返屋企穩陣... 返到屋企樓下見到最少有4棵大樹吹斷咗, 好肉痛, 呢個風真係唔講得笑...
- Jun 24 Tue 2008 22:55
2008年第一個8號風球
- Jan 27 Sun 2008 02:04
我的低能之道 I & II
- Oct 27 Sat 2007 12:39
APiTA UNY(HK)20周年大創業祭 送大禮 即抽即獎
- Sep 03 Mon 2007 08:30
A380維港低飛巡遊--直擊報導(魚則魚涌)
今朝(2007年9月3日)7點未夠就起身趕番公司, 為咩? 緊係為咗睇"空中巨無霸空中巴士A380維港低飛巡遊"啦!
* 1st Round *
8:06am
8:07am
- Aug 11 Sat 2007 00:18
久違了的8號風球
今朝掛緊1號ball時, 大夥兒仲滔滔不絕咁話回魂嘅風球特別勁, 但係肯定天文台6點(等人放晒工)先會掛8號ball...
唸住唔使點揼雨可以行到返屋企, 點知d大廈封住晒d當風嘅落地玻璃門, 搞到要兜路, oh no... 失晒預算, 好彩都係中級風力同雨啫, 小小濕+小小狼狽咁囉!